21:16, Friday, 20.07.2018
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

18 - თვიანი პატიმრობის დასასრული

28.11.2017

 
ლადო ბიჭაშვილი, შიდა ქართლი

ცხინვალის იზოლატორიდან 18-თვიანი პატიმრობის შემდეგ  გათავისუფლებული  გიორგი გიუნაშვილი მადლობას უხდის ყველა იმ ადამიანს, ვისაც მისი უდანაშაულობის სჯეროდა და მის გათავისუფლების საკითხში  წვლილი შეიტანა.
 
გიუნაშვილი 2016 წლის  8 ივნისს ოკუპირებულ დისევში დააკავეს და ცხინვალის სასამართლომ  დივერსიულ-ტერორისტული საქმიანობისთვის 20- წლიანი პატიმრობა მიუსაჯა. წელიწად-ნახევრის  განმავლობაში საქართველოს ხელისუფლების წარმომადგენლები, ინცინდენტების პრევენციისა და მათზე რეაგირების ფარგლებში, ერგნეთში გამართულ ყველა შეხვედრაზე გიუნაშვილის უდანაშაულობის შესახებ საუბრობდა და  გათავისუფლების საკითხს აყენებდა. გიუნაშვილის გათავისუფლებას ქართული მხარე ჟენევის საერთაშორისო მოლაპარაკებების (IPRM) ჯგუფის შეხვედრებზეც მოითხოვდა.

ცხინვალის დე-ფაქტო მთავრობის წარმომადგენლებმა გიუნაშვილი ქართულ მხარეს 26 ნოემბერს, ერგნეთის ბლოკ-საგუშაგოსთან გადასცა. გათავისუფლების პროცესს სოფელ ერგნეთში სახელმწიფო უსაფრთხოების სამსახურის საინფორმაციო-ანალიტიკური დეპარტამენტის, შერიგებისა და სამოქალაქო თანასწორობის სახელმწიფო მინისტრის აპარატის და შინაგან საქმეთა სამინისტროს წარმომადგენლები ესწრებოდნენ.

,,გიუნაშვილი დააკავეს 2016 წლის 8 ივნისს და მისი გათავისუფლება რამდენიმე თვიანი მოლაპარაკებების შედეგად მოხერხდა. გიუნაშვილის გათავისუფლება არის დადებითი ფაქტი, რომელიც პოზიტიურ იმპულსს მისცემს, როგორც ერგნეთის ინცინდენტების და მათზე რეაგირების ფარგლებში გამართულ შეხვედრებს, ასევე საერთაშორისო მოლაპარაკებების ჟენევის ფორმატს", -აღნიშნა  სახელმწიფო უსაფრთხოების სამსახურის საინფორმაციო-ანალიტიკური დეპარტამენტის დირექტორის მოადგილემ, კახაბერ ქემოკლიძემ.

ცხინვალის დე-ფაქტო პრეზიდენტის, ანატოლი ბიბილოვის ადმინისტრაციის მიერ გავრცელებულ განცხადების მიხედვით, ბიბილოვს საქართველოს მოქალაქის გათავისუფლების მოთხოვნით აფხაზეთის დე-ფაქტო პრეზიდენტმა, რაულ ხაჯიმბამ მიმართა, იმ მიზნით, რომ ის შემდგომ ქართულ ციხეში მყოფ აფხაზ პატიმარზე გადაეცვალათ.

აღნიშნულ ინფორმაციას არ ადასტურებს შერიგებისა და სამოქალაქო თანასწორობის სახელმწიფო მინისტრი ქეთევან ციხელაშვილი. მისი თქმით, გიუნაშვილი არ გაუცვლიათ, არამედ იგი გაათავისუფლეს: „გიუნაშვილის გათავისუფლება ხანგრძლივი მოლაპარაკებების შედეგია და ამ პროცესში აქტიურად მონაწილეობდა აფხაზური მხარეც”.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ემხრობით თუ არა ნარკოპოლიტიკის ლიბერალიზაციას?
კი არა არ ვიცი

ბლოგი

კუდები გვაკვირვებს
ბოლო დღეების განმავლობაში საზოგადოებისთვის თვალშისაცემია კამპანია „ეს შენ გეხებას“ გააქტიურება. კამპანიის ცნობილ მარკაზე გაჩნდა ახალი წარწერა - „ისევ გვისმენენ - ისევ გვითვალთვალებენ“. ეს
ვრცლად...
მოჩვენებითი მშვიდობა ბალკანეთში
მშიერი კომისიის წევრები და გაბრაზებული თავმჯდომარეები ბათუმში
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2018 HRIDC