19:34, Friday, 22.06.2018
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ბულგარეთის საელჩომ ადამიანის უფლებათა ცენტრის სამი პროექტი დააფინანსა

22.12.2017

 
ბულგარეთის რესპუბლიკის საელჩომ, ბულგარეთის განვითარების ფონდთან ერთად, საქართველოში ადამიანის უფლებათა ცენტრის სამი პროექტი დააფინანსა:
  • საქართველოს პენიტენციურ სისტემაში რეაბილიტაციისა და რესოციალიზაციის ხელშეწყობა;
  • სასამართლო მონიტორინგი ქალებისთვის; 
  • ქალი და არასრულწლოვანი პატიმრების მდგომარეობის მონიტორინგი საქართველოს პენიტენციურ სისტემაში;

პროექტი „საქართველოს პენიტენციურ სისტემაში რეაბილიტაციისა და რესოციალიზაციის ხელშეწყობა“ ითვალისწინებს შეზღუდული შესაძლებლობების მქონე პატიმრების რეაბილიტაციისა და რესოციალიზაციის ხელშეწყობას არტ-თერაპიის საშუალებით. პროექტი შშმ პატიმრებს ეხმარება, აითვისონ შრომითი, სახელოვნებო უნარები და გაუმკლავდნენ პატიმრობისგან გამოწვეულ სტრესს.

პროექტის - „სასამართლო მონიტორინგი ქალებისთვის“ მთავარი მიზნებია: სასამართლო პროცესების გამჭვირვალობის ხელშეწყობა, სასამართლო სისტემისა და პროკურატურის ანგარიშვალდებულების გაზრდა სისხლის სამართლის საქმეებზე, სადაც ქალები არიან მსხვერპლები (ფემიციდი, ოჯახში ძალადობა, სიძულვილით მოტივირებული დანაშაულები და ა.შ) ან ბრალდებულები (ნარკოდანაშაულები და ა.შ.). პროექტის სპეციფიური მიზანია, დადგინდეს, დაცულია თუ არა სამართლიანი სასამართლოს პრინციპები სასამართლო განხილვების დროს (როგორიცაა - შეჯიბრებითობის და თანასწორობის პრინციპები), დაცულია თუ არა დასაბუთებული განაჩენის უფლება, დაცვის და სასამართლოს დამოუკიდებლობის და მიუკერძოებლობის უფლება. 
 
პროექტი „ქალი და არასრულწლოვანი პატიმრების მდგომარეობის მონიტორინგი საქართველოს პენიტენციურ სისტემაში“ მიზნად ისახავს ქალი და არასრულწლოვანი პატიმრებისთვის საპატიმრო პირობების გაუმჯობესების ხელშეწყობას. მონიტორინგის გზით, შესწავლილი იქნება პატიმრების მდგომარეობა პენიტენციურ დაწესებულებში. 
 
პროექტებს ხელი მოეწერა 15 დეკემბერს ბულგარეთის რესპუბლიკის საელჩოში. სამივე პროექტი 2018 წელს განხორციელდება. 

ბულგარეთის რესპუბლიკის საელჩოს მიერ დაფინანსებული პროექტები არის ადამიანის უფლებათა ცენტრის საქმიანობის მხარდაჭერის წარმატებული გაგრძელება. 2015 წელს ადამიანის უფლებათა ცენტრმა ბულგარეთის რესპუბლიკის საელჩოს მხარდაჭერით და სახალხო დამცველთან პარტნიორობით განახორციელა პროექტი - „ქალი და არასრულწლოვანი პატიმრების მდგომარეობის მონიტორინგი საქართველოში“. მონიტორინგის შედეგები ასახულია ანგარიშში - „ქალი და არასრულწლოვანი პატიმრების მდგომარეობა საქართველოში“.

პრესრელიზი მომზადდა პროექტების ფარგლებში, რომელსაც ადამიანის უფლებათა ცენტრი ახორციელებს ბულგარეთის განვითარების ფონდთან ერთად.

ადამიანის უფლებათა ცენტრი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
ადამიანის უფლებათა ცენტრის წარმომადგენლები სახალხო დამცველის მოადგილეს გიორგი ბურჯანაძეს შეხვდნენ
სახალხო დამცველმა ადამიანის უფლებათა ევროპულ სასამართლოს „რუსთავი 2-ის“ საქმესთან დაკავშირებით სასამართლო მეგობრის მოსაზრებით მიმართა
არასამთავრობო ორგანიზაციები საქართველოდან ჰააგაში სისხლის სამართლის საერთაშორისო სასამართლოს წარმომადგენლებს შეხვდნენ
გურჯაანში ვასო მაისურაძის ცემის საქმეზე სლოტ კლუბის დაცვის თანამშრომლები დააკავეს
ადვოკატ გიორგი მდინარაძის ცემისა და ე. წ. ციანიდის საქმე აშშ-ის სახელმწიფო დეპარტამენტის ანგარიშში მოხვდა
არქივი
გამოკითხვა
ემხრობით თუ არა ნარკოპოლიტიკის ლიბერალიზაციას?
კი არა არ ვიცი

ბლოგი

კუდები გვაკვირვებს
ბოლო დღეების განმავლობაში საზოგადოებისთვის თვალშისაცემია კამპანია „ეს შენ გეხებას“ გააქტიურება. კამპანიის ცნობილ მარკაზე გაჩნდა ახალი წარწერა - „ისევ გვისმენენ - ისევ გვითვალთვალებენ“. ეს
ვრცლად...
მოჩვენებითი მშვიდობა ბალკანეთში
მშიერი კომისიის წევრები და გაბრაზებული თავმჯდომარეები ბათუმში
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2018 HRIDC