05:34, Thursday, 13.12.2018
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

აბონენტებსა და გაზგამანაწილებელ კომპანიას შორის დავა სასამართლოში გაგრძელდება

10.01.2018

 
ლადო ბიჭაშვილი, შიდა ქართლი

გორის მოსახლეობის ნაწილსა და შპს „სოკარ ჯორჯია გაზის“ გორის სერვის ცენტრს შორის გაურკვევლობა 2017 წლის მიწურულს, დეკემბრის თვეში, ბუნებრივი აირის მოხმარებისთვის დარიცხულმა საფასურმა გამოიწვია. მოსახლეობის თქმით,  ნოემბრის თვესთან შედარებით დეკებრის თვის გადასახადი გაორმაგებულია. გაზრდილ გადასახადზე ღიად პროტესტი 100-მდე მოქალაქემ დააფიქსირა.

„ჩვენ არ გაგვიზრდია ბუნებრივი აირის მოხმარება, გადასახადი კი გაორმაგებული მოვიდა, რაც არის არაელური", - აცხადებს ნოდარ ხუციშვილი. 
4 იანვარს შპს ,,სოკარ ჯორჯია გაზის" გორის სერვის ცენტრთან აქცია გაიმართა. აქციის მონაწილეები დეკემბრის თვეში დარიცხული გადასახადის განახევრებას მოითხოვდნენ. აქციის მონაწილეები სერვის ცენტრის მენეჯერის კაბინეტში შეიჭრნენ,  სადაც საუბარი ხმაურით წარიმართა. მენეჯერის კაბინეტში დაფაზე ერთ-ერთმა აქციის მონაწილემ პროტესტის ნიშნად ,,გაზის ქურდები" დაწერა. 

,,ვითხოვთ, კომპანიის  მიერ გამოგზავნილ მოკლე ტექსტურ შეტყობინებაში, გადასახდელ თანხასთან ერთად, მივიღოთ ინფორმაცია მოხმარებული ბუნებრივი აირის შესახებ. ბუნდოვანია, როგორ ანგარიშობენ და წინა თვესთან შედარებით რატომ მოგვივიდა გაორმაგებული გადასახადი. მოვითხოვთ ზედმეტად დარიცხული თანხის გარკვევას და მის ჩამოწერას, რაზეც ცალსახად ვიღებთ პასუხს რომ  არ აპირებენ ჩვენი მოთხოვნის გაზიარებას. ჩვენ ამ უკანონობას არ შევეგუებით და ამისთვის ყველა სამართლებრივ ზომებს მივმართავთ", - აცხადებს გორში მცხოვრები მარიამ ბზიშვილი.

,,სოკარ ჯორჯია გაზის" გორის სერვის ცენტრის მენეჯერმა, გიგა გრიგალაშვილმა პრეტენზიის მქონე მოქალაქეებს ინდივიდუალურ რეჟიმში სიტუაციის და სადავო თანხის გარკვევა  შესთავაზა.  მოსახლეობამ  მათ უნდობლობა გამოუცხადა და დახმარებისთვის ენერგოომბუდსმენს მიმართა.

„უზუსტობები შეიძლება, იყოს ერთეულ შემთხვევაში. შესაძლოა, 10-15 აბონენტს მისვლოდა გადასახადი ტექნიკური შეცდომით, თუმცა დაზუსტებით მინდა, გითხრათ, რომ ამას სისტემური ხასიათი არ ექნება“,- განაცხადა გიგა გრიგალაშვილმა, რომელმაც მასთან შეხვედრაზე მისულ მოსახლეობას ურჩია, რომ დარიცხული გადასახდი, წინა თვის ნაცვლად გასული წლის ანალოგიურ პერიოდს შეადაროს. 

2016 წლის დეკემბრიდან -  2017 წლის დეკემბრამდე  ერთი  კბ.მ. ბუნებრივი აირის საფასური 11 თეთრით არის გაზრდილი. 

განმარტების მიუხედავად, მოსახლეობა „სოკარ ჯორჯია გაზის“ მიერ, დეკემბრის თვეში, დარიცხულ გადასახადს უსამართლოს უწოდებს.

5 იანვარს აბონენტების ნაწილს ენერგოომბუდსმენი, სემეკის, ენერგეტიკის სამინისტროსა და ,,სოკარ ჯორჯია გაზის" წარმომადგენლები  შეხვდნენ.  შეხვედრაზე ენერგოომბუდსმენმა, სალომე ვარდიაშვილმა მოსახლეობას განაცხადის ფორმები დაუტოვა და ურჩია, რომ სადავო თანხა კომპანისთან ადმინისტრაციული გასაჩივრების წესით გაერკვიათ. სიტუაციის გარკვევამდე კი ბუნებრივი აირის გამანაწილებელი კომპანია აბონენტებს, გადაუხდელობის მოტივით, გაზის მიწოდებას ვერ შეუზღუდავს. 

,,შეწყდეს ხალხის ძარცვა სოკარის მიერ" - ამ ტრანსფარანტებით 8 იანვარს, ქალაქ გორის ცენტრში, მოსახლეობის ნაწილმა აქცია გამართა, სადაც საქმის შესწავლა პროკურატურისგან მოითხოვეს. აქციის მონაწილეებს თავდაპირველად გორის მუნიციპალიტეტის საკრებულოს თავმჯდომარე დავით რაზმაძე შეხვდა. მოგვიანებით კი გორის მუნიციპალიტეტის მერი კონსტანტინე თავზარაშვილი. 

,,მოსახლეობა სიტუაციის გარკვევაში ითხოვს დახმარებას.  ჩვენ უკვე გვქონდა კომუნიკაცია კომპანიის გორის სერვის ცენტრთან, სადაც გვიპასუხეს, რომ, მოსახლეობის პრეტენზიის გათვალისწინებით, შეიქმნა კომისია და საკითხის შესწავლა მიმდინარეობს", - აღნიშნა გორის მერმა, კონსტანტინე თავზარაშვილმა.

აბონენტების ნაწილი სასამართლოს, გაზის გამანაწილებელი კომპანიის, გორის სერვის ცენტრის წინააღმდეგ, კოლექტიური საჩივრით მიმართავს.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ყოფილხართ თუ არა ოჯახში ძალადობის მსხვერპლი და მიგიმართავთ თუ არა სამართალდამცავებისთვის?
დიახ და მიმიმართავს დიახ და არ მიმიმართავს არ ვყოფილვარ

ბლოგი

უგზო-უკვლოდ დაკარგულები - „არ დამივიწყო!“
1 თვე გავიდა მას შემდეგ, რაც ბებია დაიკარგა. უგზო-უკვლოდ დაკარგულთა რიგებს შეუერთდა 73 წლის ბებო, რომლის კვალი საკუთარ სოფელში, ეზოს მახლობლად იკარგება. 
ვრცლად...
კუდები გვაკვირვებს
მოჩვენებითი მშვიდობა ბალკანეთში
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2018 HRIDC