20:41, Monday, 25.06.2018
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

საპროტესტო აქციებმა შესაძლოა, აგარიდან თბილისში გადმოინაცვლოს

14.03.2018

 
ლადო ბიჭაშვილი, შიდა ქართლი

შპს ,,აგარის შაქრის” ქარხნიდან გათავისუფლებული 500-მდე თანამშრომელი უკვე მე-12 დღეა, რაც პროტესტის 24-საათიან რეჟიმზე გადავიდა.   დღის განმავლობაში ქარხნის მიმდებარე ტერიტრიაზე 600 ადამიანი იკრიბება, ღამით კი აქციის 30 მონაწილე მორიგეობით რჩება და გაშლილ კარავში ათენებს ღამეს. 
  
 აგარის შაქრის ქარხნიდან გათავისუფლებულმა თანამშრომლებმა პროფკავშირი შექმნეს და საკუთარი უფლებების დაცვას, როგორც კომპანიის მხრიდან, ისე სახელმწიფოსგან მოითხოვენ.

,,გადავედით ყოველდღიურ, 24 -საათიან პროტესტის რეჟიმზე. ყოველდღიურად 600-მდე ადამიანი ვიკრიბებით, ყოველ ღამე 30 ადამიანი ვმორიგეობთ,  ვრჩებით კარავში. ჩვენი მოთხოვნაა  აგარის შაქრის ქარხნის ამუშავება და ჩვენი აღდგენა სამსახურში. წარმოება ისე შეაჩერეს და  500-მდე ადამიანი ისე გაგვათავისუფლეს, რომ, თითქოს, არაფერი მომხდარა. ყურდღება არც კომპანიის მენეჯემენტის მხრიდანაა და არც ხელისუფლებისგან, ჩვენ აქციებს არ შევწყვეტთ ვიდრე ჩვენი მოთხოვნები არ დაკმაყოფილდება" , -განუცხადა humanrights.ge -ს ზაზა ალბორიშვილმა. 

9 მარტს აგარაში ერთ-ერთი მასშტაბური აქცია გაიმართა, სადაც კიდევ ერთხელ მოითხოვეს შაქრის ქარხნის ამუშავება და გათავისუფლებული თანამშრომლების სამსახურში აღდგენა. აქციას სოლიდარობა გამოუცხადეს თბილისიდან ჩამოსულმა სამოქალაქო აქტივისტებმა და პროფკავშირების წარმომადგენლებმა.
,,ეს ადამიანები უკვე მეექვსე თვეა, რაც სამსახურის და, შესაბამისად, შემოსავალის გარეშე დარჩნენ.  რადგან ხელისუფლებას   არ ესმის მათი პროტესტის ხმა აგარიდან, აქცია გადაინაცვლებს თბილიში”,-ამბობს საქართველოს პროფკავშირის გაერთიანების წარმომადგენელი, გიორგი დიასამიძე. 

შპს ,,აგარის შაქარი" რამდენიმე წელია, რაც აზერბაიჯანელმა ინვესტორმა იყიდა და ,,აზერსუმის" შვილობილი კომპანია გახდა.

,,აგარის შაქრის" კომპანიას ალხან ალიზადე ხელმძღვანელობს, რომლმაც, 2017 წლის ნოემბრის დასაწყისში, 481 თანამშრომელს  კონტრაქტი შეუწყვიტა. გათავისუფლებული თანამშრომლების განცხადებით, ამის მიზეზად მან კომპანიის ფინანსური მდგომარეობა დაასახელა.

შექმნილ პრობლემასთან დაკავშირებით ,,აზერსუმის“ კომპანია ჟურნალისტებთან კომენტარს არ აკეთებს.

,,როდესაც ჩვენ შევხვდით ,,აგარის შაქრის" მენეჯმენტს, მათ გვითხრეს, რომ  ქვეყანაში დაბალხარისხიანი, უცხოური პროდუქცია შემოდის, აგარის შაქარი კი მას კონკურენციას, დაბალი ფასის გამო, ვერ უწევს.  ამის გამო გააჩერეს წარმოება და შეგვიწყვიტეს კონტრაქტი. ჩვენ ვითხოვთ პრემიერ-მინისტრთან შეხვედრას, რათა მოგვარდეს ეს პრობლემა. ხელისუფლების ინტერესი უნდა იყოს ადგილობრივი წარმოების განვითარება, სადაც 500-მდე ადამიანი ვიყავით დასაქმებული", - არნიშნა ზაზა ალბორიშვილმა. 

აქციის მონაწილეების თქმით, ხელისუფლებიდან, ამ დრომდე, მხოლოდ პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარე, რომან კაკულია დაუკავშირდათ, თუმცა კომუნიკაცია აღარ გაგრძელებულა და, შესაბამისად, მათთვის უცნობია ხელისუფლების პოზიცია. ,,აგარის შაქრის" თანამშრომლები საქართველოს პრემიერ-მინისტრს მოუწოდებენ, რომ მათი პრობლემით დაინტერესდეს, წინააღმდეგ შემთხვევაში, ამბობენ, რომ აქციები აგარიდან თბილიში, მთავრობის  კანცელარიასთან, გადაინაცვლებს. 


Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
ადამიანის უფლებათა ცენტრის წარმომადგენლები სახალხო დამცველის მოადგილეს გიორგი ბურჯანაძეს შეხვდნენ
სახალხო დამცველმა ადამიანის უფლებათა ევროპულ სასამართლოს „რუსთავი 2-ის“ საქმესთან დაკავშირებით სასამართლო მეგობრის მოსაზრებით მიმართა
არასამთავრობო ორგანიზაციები საქართველოდან ჰააგაში სისხლის სამართლის საერთაშორისო სასამართლოს წარმომადგენლებს შეხვდნენ
გურჯაანში ვასო მაისურაძის ცემის საქმეზე სლოტ კლუბის დაცვის თანამშრომლები დააკავეს
ადვოკატ გიორგი მდინარაძის ცემისა და ე. წ. ციანიდის საქმე აშშ-ის სახელმწიფო დეპარტამენტის ანგარიშში მოხვდა
არქივი
გამოკითხვა
ემხრობით თუ არა ნარკოპოლიტიკის ლიბერალიზაციას?
კი არა არ ვიცი

ბლოგი

კუდები გვაკვირვებს
ბოლო დღეების განმავლობაში საზოგადოებისთვის თვალშისაცემია კამპანია „ეს შენ გეხებას“ გააქტიურება. კამპანიის ცნობილ მარკაზე გაჩნდა ახალი წარწერა - „ისევ გვისმენენ - ისევ გვითვალთვალებენ“. ეს
ვრცლად...
მოჩვენებითი მშვიდობა ბალკანეთში
მშიერი კომისიის წევრები და გაბრაზებული თავმჯდომარეები ბათუმში
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2018 HRIDC