20:37, Monday, 25.06.2018
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

გორის თვითმმართველობის მიერ დაწესებული და სამთავრობო დასკვნით გაუქმებული მოსაკრებელი

30.05.2018

 
ლადო ბიჭაშვილი, შიდა ქართლი

გორის თვითმმართველობის წარმომადგენლობით ორგანოს, მთავრობის აპარატიდან მიღებული შენიშვნის საფუძველზე,  საკრებულოს მიერ  მიღებული ერთ-ერთი  დადგენილების გაუქმება მოუხდა. დადგენილება უკავშირდებოდა ქალაქ გორში ავტოსატრანსპორტო საშუალებების პარკირებისთვის დაწესებულ მოსაკრებელს. მთავრობის  ოფიციალურ შეტყობინების მიხედვით, კანონგარეშე აქტად არის მიჩნეული  საკრებულოს აღნიშნული გადაწყვეტილება, რადგან კანონის მიხედვით, ავტომობილების პარკირების მოსაკრებლის დაწესების უფლება მხოლოდ თბილისისა და ბათუმის მერიას აქვს. ამის გათვალისწინებით, გორის მუნიციპალიტეტის საკრებულოს რამდენიმე თვის წინ პარკირებაზე დაწესებული მოსაკრებელის გაუქმება 25 მაისს გამართულ საკრებულოს სხდომაზე მოუხდა.

საკრებულოს თავმჯდომარის, დავით რაზმაძის განცხადებით, გორის თვითმმართველობის იურისტები მუშაობენ საკანონმდებლო ინიციატივაზე, რათა გორის თვითმმართველობასაც, კანონით, პარკირებაზე მოსაკრებელის დაწესების საშუალება მიეცეს. 

,,სამთავრობო დასკვნის საფუძველზე გავაუქმეთ საკრებულოს მიერ  პარკირებაზე დაწესებული მოსაკრებელი და ჯარიმები. ჩვენი იურისტები მუშაობენ საკითხზე, რომლის ინიცირებაც პარლამენტში მოხდება, რადგან რეგულაციის გარეშე პარკირების საკითხს ვერ მოვაწესრიგებთ", - აღნიშნა გორის მუნიციპალიტეტის საკრებულოს თავმჯდომარემ, დავით რაზმაძემ.

ადამიანის უფლებათა ცენტრის შიდა ქართლის ოფისის იურისტის,  ალექსი მერებაშვილის განცხადებით, გორის თვითმმართველობამ იმ მოქალაქეებს თანხა უკან უნდა დააბრუნოს, რომლებმაც პარკირებაზე უკანონოდ დაწესებული ჯარიმა და მოსაკრებელი გადაიხადეს.

,,გორის მუნიციპალიტეტის საკრებულომ საკუთარი გადაწყვეტილებით დაადასტურა, რომ იგი მოსახლეობისაგან უკანონოდ იღებდა პარკირების თანხებს, უკანონოდ წერდა ე.წ. „ჯარიმებს“. აღნიშნულზე უნდა აიღოს ამავე საკრებულომ პასუხისმგებლობა და დაუბრუნოს მოქალაქეებს გადახდილი თანხები, რამდენადაც ისინი უკანონოდ იქნა მიღებული ადგილობრივი ბიუჯეტის მიერ და მუნიციპალიტეტს არ გაუწევია გადახდილი თანხის შესაბამისი მომსახურება გადამხდელებისათვის",- აცხადებს ალექსი მერებაშვილი. 

გორის მუნიციპალიტეტის საკრებულოს თავმჯდომარის თქმით, პარკირებასთან დაკავშირებული ჯარიმები იმ მოქალაქეებს ავტომატურად გაუქმდება, რომელთაც ამ დრომდე არ გადაუხდიათ, ხოლო იმ  ავტომობილების მფლობელებს, ვისაც მოსაკრებელი ან ჯარიმა უკვე გადახდილი აქვს, თანხა უკან აღარ დაუბრუნდებათ. 

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
ადამიანის უფლებათა ცენტრის წარმომადგენლები სახალხო დამცველის მოადგილეს გიორგი ბურჯანაძეს შეხვდნენ
სახალხო დამცველმა ადამიანის უფლებათა ევროპულ სასამართლოს „რუსთავი 2-ის“ საქმესთან დაკავშირებით სასამართლო მეგობრის მოსაზრებით მიმართა
არასამთავრობო ორგანიზაციები საქართველოდან ჰააგაში სისხლის სამართლის საერთაშორისო სასამართლოს წარმომადგენლებს შეხვდნენ
გურჯაანში ვასო მაისურაძის ცემის საქმეზე სლოტ კლუბის დაცვის თანამშრომლები დააკავეს
ადვოკატ გიორგი მდინარაძის ცემისა და ე. წ. ციანიდის საქმე აშშ-ის სახელმწიფო დეპარტამენტის ანგარიშში მოხვდა
არქივი
გამოკითხვა
ემხრობით თუ არა ნარკოპოლიტიკის ლიბერალიზაციას?
კი არა არ ვიცი

ბლოგი

კუდები გვაკვირვებს
ბოლო დღეების განმავლობაში საზოგადოებისთვის თვალშისაცემია კამპანია „ეს შენ გეხებას“ გააქტიურება. კამპანიის ცნობილ მარკაზე გაჩნდა ახალი წარწერა - „ისევ გვისმენენ - ისევ გვითვალთვალებენ“. ეს
ვრცლად...
მოჩვენებითი მშვიდობა ბალკანეთში
მშიერი კომისიის წევრები და გაბრაზებული თავმჯდომარეები ბათუმში
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2018 HRIDC