12:43, Tuesday, 25.09.2018
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

დევნილი ოჯახი დევნილებისთვის განკუთვნილ ერთ-ერთ ბინაში უნებართვოდ შეიჭრა

25.06.2018

ლადო ბიჭაშვილი, შიდა ქართლი

ერედვიდან დევნილი ღამბაშიძეების ხუთსულიანი ოჯახი გორში, დევნილებისთვის აშენებული კორპუსის, ერთ-ერთ სამოთახიან ბინაში შეიჭრა. 

როგორც humanrights.ge-ს ქეთევან ღამბაშიძემ განუცხდა, ისინი, დროებით, მარნეულის მუნიციპალიტეტის სოფელ შაუმიანში, ყოფილ სამხედრო ბაზის ტერიტორიაზე, შეასახლეს, რომელიც გაუსაძლისი პირობების გამო დატოვეს. 

„გაუსაძლის პირობებში ვცხოვრობდით. ქვეწარმავლებით სავსე იყო ტერიტორია. ბოლოს ელექტრო სადენებს ცეცხლი გაუჩნდა. იქ მცხოვრებლებმა განცხადება დავწერეთ და მივმართეთ დევნილთა სამინისტროს, თუმცა მეოთხე თვეა, მათგან პასუხი არ მიგვიღია“,- აღნიშნა ქეთევან ღამბაშიძემ.

ღამბაშიძეების ოჯახი დევნილთა სამინისტროს სთხოვდა გორში დევნილებისთვის აშენებულ კორპუსში ბინის გამოყოფას. მათ არაერთი განცხადება დაწერეს, თუმცა ბინის გადაცემაზე სამინისტროდან უარი მიიღეს.  ამის შემდეგ ოჯახმა გადაწყვიტა, ბინის კარი შეემტვრიათ და უნებართვოდ დაეკავებინათ ფართი.

„სხვა გზა არ დამიტოვეს, წასასვლელი არსად არ გვაქვს ხუთსულიან ოჯახს, საიდანაც ორი ბავშვია. თუ ვინმე მოვა და ამ ბავშვებს ქუჩაში გაყრის, არ ვიცი. ჩვენ არ ვაპირებთ,  ბინიდან გასვლას“, -აცხადებს ქეთევან ღამბაშიძე. 

სახელმწიფო საკუთრებაში უნებართვოდ შეჭრის შემთხვევაზე სამართალდამცველებმა მოკვლევა დაიწყეს. საკითხთან დაკავშირებით უცნობია ლტოლვილთა და განსახლების სამინისტროს პოზიცია, პრესსამსახური ჟურნალისტებთან კომენტარს არ აკეთებს.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ემხრობით თუ არა ნარკოპოლიტიკის ლიბერალიზაციას?
კი არა არ ვიცი

ბლოგი

უგზო-უკვლოდ დაკარგულები - „არ დამივიწყო!“
1 თვე გავიდა მას შემდეგ, რაც ბებია დაიკარგა. უგზო-უკვლოდ დაკარგულთა რიგებს შეუერთდა 73 წლის ბებო, რომლის კვალი საკუთარ სოფელში, ეზოს მახლობლად იკარგება. 
ვრცლად...
კუდები გვაკვირვებს
მოჩვენებითი მშვიდობა ბალკანეთში
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2018 HRIDC