05:35, Thursday, 13.12.2018
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ქალაქ გორში შესაძლოა, 146 ბავშვი საბავშვო ბაღში ვერ დარეგისტრირდეს

30.09.2018

ლადო ბიჭაშვილი, შიდა ქართლი

ქალაქ გორში საბავშვო ბაღებმა ფუნქციონირება დაიწყეს, თუმცა, ამ ეტაპზე, 146 ბავშვის მიღებას ვერ ახერხებენ, რადგან საბავშვო ბაღებში ჯგუფები უკვე შევსებულია. გორის მუნიციპალიტეტის მერიის საბავშვო ბაღების გაერთიანების ხელმძღვანელის, ლიანა კოვზიაშვილის თქმით, ქალაქ გორის საბავშვო ბაღებში წელს დიდი მომართვიანობა იყო და ამ ეტაპზე 146 ბავშვი რეზერვში რჩება.

,,ქალაქ გორში გვაქვს 18 საბავშვო ბაღი, გორის მუნიციპალიტეტის სოფლებში კი მოქმედი 41 ბაღია და ახლა ვხსნით კიდევ სამ საბავშვო ბაღს. საბავშვო ბაღებში ბავშვების მიღების შესახებ 2 000-ზე მეტი ახალი განაცხადია გაკეთებული, რაიონის ბაღებში თითქმის ყველა ჩაირიცხა, ქალაქში გვაქვს რამდენიმე ბაღი, სადაც ძალიან დიდი მომართვიანობა იყო და 146 ბავშვი ჩარიცხვის მოლოდინშია, ისინი არიან რეზერვში ასეთ შემთხვევაში ბავშვებიდან უპირატესობას სოციალურად დაუცველ ოჯახებს მივანიჭებთ",  - აცხადებს კოვზიაშვილი.

კოვზიაშვილი  შექმნილი მდგომარეობიდან გამოსავალს მხოლოდ ერთ მოცემულობაში ხედავს: ,,ბავშვის მიერ 5 გაცდენის შემდეგ, თუკი მშობელი ექიმის ცნობას ვერ წარმოადგენს, მოხდება მისი გარიცხვა და მის ადგილზე კი სხვა ბავშვი ჩაირიცხება".

ოპოზიცია ამბობს, რომ თვითმმართველობის ბიუჯეტს უფასო საბავშვო ბაღები მძიმე ტვირთად დააწვა. გორის მუნიციპალიტეტის საკრებულოს წევრი ,,ერთიანი ნაციონალური მოძრაობიდან", ირმა ამბარდნიშვილი მიიჩნევს, რომ სკოლამდელი აღზრდის დაწესებულებები ვაუჩერულ სისტემას უნდა დაუბრუნდეს და უფასო საბავშვო ბაღი მხოლოდ სოციალურად დაუცველი ოჯახებისთვის უნდა იყოს.

,,ბიუჯეტის გათვალისწინებით, ჩვენ ვერ ავაშენებთ იმდენ საბავშვო ბაღს, რომ ყველა ბავშვი დაკმაყოფილდეს, აქ ხედვა შესაცვლელია. უნდა დაბრუნდეს ვაუჩერული სიტემა და საბავშვო ბაღი ფასიანი უნდა გახდეს შეძლებული ოჯახებისთვის, ასევე ბიუჯეტიდან სუბსიდირება უნდა გავრცელდეს კერძო საბავშვო ბაღებზეც", - აღნინა ირმა ამბარდნიშვილმა.

გორის მუნიციპალიტეტის მერიის განათლების განყოფილების ხელმძღვანელის, ნინო ბერიანიძის თქმით, ადგილობრივი თვითმმართველობის კოდექსით საბავშვო ბაღები არის უფასო და ამის გათვალისწინებით გორის მერია კანონის შეცვლამდე თანადაფინანსების, ვაუჩერულ პროგრამას ვერ განაახლებს.  

საბავშვო ბაღების გაერთიანების ინფორმაციით, ქალაქის მასშტაბით საბავშვო ბაღებში ჩარიცხვის მსურველთა რაოდენობის მატება იმან გამოიწვია, რომ მუნიციპალიტეტის სოფელებში რეგისტრირებულმა მაცხოვრებლებმა, ბავშვის მიყვანა მათი სოფლის საბავშვო ბაღის ნაცვლად ქალაქის საბავშვო ბაღებში გადაწყვიტეს. 

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ყოფილხართ თუ არა ოჯახში ძალადობის მსხვერპლი და მიგიმართავთ თუ არა სამართალდამცავებისთვის?
დიახ და მიმიმართავს დიახ და არ მიმიმართავს არ ვყოფილვარ

ბლოგი

უგზო-უკვლოდ დაკარგულები - „არ დამივიწყო!“
1 თვე გავიდა მას შემდეგ, რაც ბებია დაიკარგა. უგზო-უკვლოდ დაკარგულთა რიგებს შეუერთდა 73 წლის ბებო, რომლის კვალი საკუთარ სოფელში, ეზოს მახლობლად იკარგება. 
ვრცლად...
კუდები გვაკვირვებს
მოჩვენებითი მშვიდობა ბალკანეთში
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2018 HRIDC