13:00, Tuesday, 24.09.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

მთავარი პროკურატურის სამართალწარმოების პროცესში ჩადენილი დანაშაულის გამოძიების დეპარტამენტის საქმიანობის მონიტორინგის ანგარიში

15.11.2018

 
ადამიანის უფლებათა ცენტრი ხვალ გამოაქვეყნებს ანგარიშს - „მთავარი პროკურატურის სამართალწარმოების პროცესში ჩადენილი დანაშაულის გამოძიების  დეპარტამენტის  საქმიანობის მონიტორინგი“.
 
ანგარიშში წარმოდგენილია მთავარი პროკურატურის სამართალწარმოების პროცესში ჩადენილი დანაშაულის გამოძიების  დეპარტამენტის მონიტორინგის შედეგები. 
 
მონიტორინგის ფარგლებში, ადამიანის უფლებათა ცენტრმა შეისწავლა შემდეგი საკითხები: როგორია დეპარტამენტის მუშაობის სპეციფიკა; რა წესით ინიშნებიან პროკურორები და გამომძიებლები;  რამდენ და რა კატეგორიის საქმეებს აწარმოებს დეპარტამენტი; როგორ მიმდინარეობს სამართალწარმოებისას მოქალაქეთა დარღვეული უფლების აღდგენისა და იძულებით, უკანონოდ ჩამორთმეული ქონების დაბრუნების  პროცესი; როგორია დეპარტამენტში საქმეთა მისაღებობის კრიტერიუმები და განაწილების წესი; რა საფუძვლებით ხდება  დადგენილებების მიღება ადამიანის უფლებების დარღვევის შესახებ; როგორ მიმდინარეობს სასამართლოში საქმეთა განხილვა სსსკ-ის 310-ე მუხლის ,,ზ1“ ქვეპუნქტის საფუძველზე; რა მიდგომები აქვს სასამართლოს ამ ტიპის დავების განხილვისას და რა სპეციფიკით ხასიათდება სასამართლო განხილვის პროცესი.
 
საქართველოს მთავარ პროკურატურას სტრუქტურული ერთეული - სამართალწარმოების პროცესში ჩადენილი დანაშაულის გამოძიების დეპარტამენტი 2015 წლის მარტში დაემატა. მიუხედავად იმისა, რომ კანონმდებლობით განსაზღვრული არ არის, თუ რომელ წლებში ჩადენილ დანაშაულებზე მუშაობს დეპარტამენტი, პრაქტიკის თანახმად, იგი ამ დროისათვის მხოლოდ 2012 წლამდე ჩადენილ სავარაუდო დანაშაულებს იძიებს. 
 
პროკურატურის ახალი დეპარტამენტის საქმიანობის მომწესრიგებელი საკანონმდებლო ბაზის, არსებული პრაქტიკის, სასამართლო მონიტორინგის, მოქმედი ადვოკატების და დაზარალებულების გამოკითხვამ, ასევე - სასამართლოს მიერ გამოტანილი განაჩენებისა და პროკურორთა მიერ მიღებული დადგენილებების შესწავლამ და გააანალიზებამ წარმოაჩინა პროკურატურისა და სასამართლო ხელისუფლების საქმიანობის როგორც დადებითი, ასევე პრობლემური საკითხები. 
 
ადამიანის უფლებათა ცენტრის ანგარიშში მონიტორინგის შედეგად გამოვლენილ პრობლემურ საკითხებთან ერთად წარმოდგენილია რეკომენდაციები, რომელთა გათვალისწინება ხელს შეუწყობს დეპარტამენტის ეფექტიან საქმიანობას.

საქართველოს მთავარი პროკურატურის სამართალწარმოების პროცესში ჩადენილი დანაშაულის გამოძიების  დეპარტამენტის საქმიანობის მონიტორინგი ადამიანის უფლებათა ცენტრმა განახორციელა ღია საზოგადოების ფონდის მიერ მხარდაჭერილი პროექტის ფარგლებში, 2017 წლის 25 ოქტომბრიდან 2018 წლის 25 ოქტომბრამდე პერიოდში.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC