06:16, Wednesday, 17.07.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ბექა ხახუბიას გარდაცვალების საქმეზე სასამართლომ ერთი პოლიციელი უდანაშაულოდ ცნო, ორს კი - პატიმრობა მიუსაჯა

29.03.2019

ლადო ბიჭაშვილი, შიდა ქართლი

გორის რაიონული სასამართლოს მოსამართლე ნიკოლოზ მარსაგიშვილმა პარლამენტის წევრის, ფოთის მაჟორიტარი დეპუტატის, ირაკლი ხახუბიას შვილის, ბექა ხახუბიას გარდაცვალების საქმეზე გადაწყვეტილება 27 მარტს გამოაცხადა.

2017 წლის 17 მაისს 21 წლის ბექა ხახუბია ავტოავარიას ემსხვერპლა. მას საავტომობილო მაგისტრალის გორის მონაკვეთზე მდებარე გვირაბთან საპატრულო პოლიციის თანამშრომლებმა, დაუმორჩილებლობის გამო, სატვირთო ავტომანქანით გზა გადაუკეტეს, ხახუბია ავტომანქანით აღნიშნულ სატვირთოს შეეჯახა, რა დროსაც გარდაიცვალა.

ხახუბიას გარდაცვალების საქმეზე ბრალდებული პოლიციის სამი თანამშრომელი იყო. ნუკრი ხაბელაშვილის, ზურაბ რუსიშვილისა და გია სადაღაშვილის წინააღმდეგ გამოძიება სსკ-ის ორი მუხლით მიმდინარეობდა: 333-ე მუხლის პირველი ნაწილით, რაც უფლებამოსილების გადამეტებასა და 116-ე მუხლის პირველი ნაწილით, გაუფრთხილებლობით სიცოცხლის მოსპობას გულისხმობს.
მოსამართლის განაჩენის მიხედვით, საპატრულო პოლიციის ყოფილ თანამშრომელს, ნუკრი ხაბელაშვილს წარდგენილი ბრალი არ დაუმტკიცდა და უდანაშაულოდ იქნა ცნობილი. საპატრულო პოლიციის თანამშრომელი ზურაბ რუსიშვილი მოსამართლემ დამნაშავედ სცნო სსკ-ის 333-ე მუხლის პირველი ნაწილით და 1 წლით და 6 თვის ვადით თავისუფლების აღკვეთა შეეფარდა, რაც შეეხება გია სადაღაშვილს, მას მოსამართლემ ბრალი როგორც უფლებამოსილების გადამეტების, ისე გაუფრთხილებლობით სიცოცხლის მოსპობის ნაწილში დასდო და 2 წლით და 6 თვის ვადით პატიმრობა მიუსაჯა.

ბრალდების მხარე მოსამართლის მიერ მიღებული გადაწყვეტილების გასაჩივრებას სააპელაციო სასამართლოში აპირებს.

,,ბრალდების მხარე არ ეთანხმება მოსამართლის გადაწყვეტილებას და მას შემდეგ რაც ჩვენ ჩავიბარებთ დასაბუთებულ გადაწყვეტილებას, მოხდება მისი გასაჩივრება სააპელაციო წესით", - განაცხდა საქმის პროკურორმა, დავით ყაზარაშვილმა.

რაც შეეხება დაცვის მხარის პოზიციებს, გადწყვეტილების გამოცხადებას მხოლოდ ნუკრი ხაბელაშვილის ადვოკატი ესწრებოდა, რომლის განცხადებით, მოსამართლემ ობიექტური გადაწყვეტილება მიიღო.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

სიკვდილით სავსე ქალაქი
ჩაიცვით საუკეთესო ტანსაცმელი. კარგად დახედეთ ბავშვებს და ჩაეხუტეთ. მოიკითხეთ დედა. დაურეკეთ მეგობრებს. გადახედეთ სახლის საბუთებს, ხომ წესრიგშია. თქვენ მალე მოკვდებით. თქვენ მოკვდებით ავარიაში.
ვრცლად...
უგზო-უკვლოდ დაკარგულები - „არ დამივიწყო!“
კუდები გვაკვირვებს
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC