00:05, Tuesday, 15.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

7 თვის ბავშვის მკვლელობის საქმე

24.05.2019

 
 ლადო ბიჭაშვილი, შიდა ქართლი  

21 მაისს, კასპის მუნიციპალიტეტის სოფელ აღაიანში ​ საბავშვო ეტლში 7 თვის ჩვილი გარდაცვლილი იპოვეს.  შსს-მ საკუთარი შვილის მკვლელობის ბრალდებით ჩვილის დედა დააკავა, რომელიც არასრულწლოვანია.  

,,გამოძიებით დადგინდა, რომ ბრალდებულმა მ.შ- მ კასპის მუნიციპალიტეტის სოფელ აღაიანში, საკუთარ საცხოვრებელ სახლში 7 თვის შვილი გვიან ღამით საწოლში გაგუდა და სახლიდან გაიქცა.  დამამძიმებელ გარემოებაში ჩადენილ განზრახ მკვლელობის ბრალდებით 2002 წელს დაბადებული მ.შ. ცხელ კვალზე დააკავეს. ბრალდებული დანაშაულს აღიარებს. დანაშაული თავისუფლების 13-დან 17 წლამდე ვადით აღკვეთას ითვალისწინებს", - ნათქვამია უწყების მიერ გავრცელებულ ინფორმაციაში.

23 მაისს, გორის რაიონულმა სასამართლომ ბრალდების მხარის შუამდგომლობა დააკმაყოფილა და კასპის მუნიციპალიტეტის  სოფელ აღაიანში, 7 თვის ჩვილის მკვლელობაში ბრალდებულ არასრულწლოვან დედას, აღკვეთის ღონისძიების სახით, პატიმრობა შეუფარდა.

საქმის პროკურორის, ნანა გუგუტიშვილის, განცხადებით, შვილის მკვლელობაში ბრალდებული დუმილის უფლებას იყენებს.

,,სასამართლომ გაიზიარა ბრალდების მხარის არგუმენტები და, შესაბამისად, შეუფარდა პატიმრობა. ბრალდებულმა სასამართლო პროცესზე დააფიქსირა, რომ იყენებს დუმილის უფლებას", - აცხდებს პროკურორი.

მისი თქმით, ბრალდებულმა, არასრულწლოვანმა დედამ, შვილის მკვლელობა შსს-ს თანამშრომლებთან გამოძიების პროცესში აღიარა, თუმცა, მას შემდეგ რაც ბრალი ოფიციალურად წაუყენეს, იგი დუმილის უფლებას იყენებს.

მკვლელობაში ბრალდებული არასრუწლოვანი დედის ადვოკატის განცხადებით, დაცვის მხარეც დაეთანხმა ამ ეტაპზე პატიმრობის შეფარდებას. ადვოკატის თქმით, მისი დაცვის ქვეშ მყოფი იყენებს დუმილის უფლებას, რაც არ ნიშნავს ბრალის აღიარებას.

„დავეთანხმეთ მისთვის პატიმრობის გამოყენებას, რადგან მისთვის ასეა ამჟამად საჭირო", - განაცხადა ადვოკატმა სასამართლო პროცესის დასრულების შემდეგ.
შემზარავი მკვლელობის საქმესთან ერთად გამოძიება დაიწყო 16 წელს მიუღწეველ პირთან სექსუალურ კავშირის დამყარების საქმეზეც. სკოლის დირექტორი, სადაც ბრალდებული სწავლობდა ამბობს, რომ ფაქტის შესახებ ინფორმაცია 2017 წელს მიაწოდა სამართალდამცავებს, რაზეც რეაგირება არ ყოფილა.

შინაგან საქმეთა სამინისტროს ინფორმაცით, პოლიციის თანამშრომელს, რომელიც ინფორმირებული იყო როგორც არასრულწლოვნის სახლიდან წასვლის, ისე მის მიერ ბავშვის გაჩენის შესახებ და რეაგირება არ მოახდინა, უფლებამოსილება უკვე შეუწყდა. გენერალური ინსპექცია კი გამოძიებას აგრძელებს სხვა თანამშრომლების მხრიდანაც ჰქონდა თუ არა სამსახურეობრივი გულგრილობას ან გადაცდომას ადგილი.

შსს-ს ინფორმაციით, მომხდარი მკვლელობის გამოძიების ფარგლებში დადგინდა, რომ ბრალდებული დედა ორსულობის დადგომის დროისთვის იყო 16 წელს მიუღწეველი, რაც საქართველოს სსკ-ის 140-ე მუხლით გათვალისწინებულ დანაშაულის ნიშნებს შეიცავს და მოკლული ჩვილის მამას და ბრალდებული არასრულწლოვანის მეუღლეს შესაძლოა, სისხლის სამართლებრივი პასუხისმგებლობა დაეკისროს.  

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC