01:49, Tuesday, 18.02.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

'შეცვალესა' და 'სირცხვილიას' აქტივისტები საბჭოთა პერიოდის კოდექსით გასამართლდნენ

09.01.2020

 
ადამიანის უფლებათა ცენტრი იცავდა „შეცვალესა“ და „სირცხვილიას“ სამოქალაქო აქტივისტების  სამართლებრივ ინტერესებს, რომლებმაც ქალაქ თბილისის საკრებულოს წევრის, ერეკლე კუხიანიძის პოლიტიკური განცხადებები გააპროტესტეს.

გასული წლის 17 დეკემბერს  „შეცვალესა“ და „სირცხვილიას“ აქტივისტებმა დეპუტატ ერეკლე კუხიანიძის კაბინეტში კარავი გაშალეს და მისგან დეპუტატის მანდატის დატოვება მოითხოვეს. პროტესტის მიზეზი კი კუხიანიძის მიერ სოციალურ ქსელში გამოქვეყნებული განცხადება გახდა, სადაც იგი სიტყვიერ შეურაცხყოფას აყენებდა ოკუპირებულ ცხინვალის რეგიონში დაკავებულ ექიმს, ვაჟა გაფრინდაშვილსა და მის ოჯახს. საკრებულოს უსახფრთხოების თანამშრომლებმა აქტივისტების კაბინეტიდან გაყვანა უშედეგოდ სცადეს, რის შემდეგაც ადგილზე გამოჩნდა საპატრულო პოლიცია, რომელმაც აქტივისტებს კაბინეტი ძალის გამოყენებით დაატოვებინა.

20 დეკემბერს, თბილისის საქალაქო სასამართლოს ადმინისტრაციულ საქმეთა კოლეგიის მოსამართლემ, ლელა მილდენბეგერმა სამოქალაქო აქტივისტები სამართალდამრღვევად ცნო ადმინისტრაციული სამართალდარღვევათა კოდექსის 166-ე და 173-ე მუხლებით და სახდელის ზომად ჯარიმა განსაზღვრა. არსებობდა მაღალი რისკი, რომ მოსამართლეს ადმინისტრაციული პატიმრობაც გამოეყენებინა.

კონსტიტუცია ფუნდამენტურ უფლებად აღიარებს და იცავს მშვიდობიანი შეკრებისა და მანიფესტაციის უფლებას, მაგრამ პრაქტიკაში ვხედავთ, რომ ამ უფლებებს ხშირად ემუქრება არამართლზომიერი და უკანონო ჩარევის საფრთხე. მთავარი პრობლემაა ჯერ კიდევ საბჭოთა პერიოდში, 1984 წელს  საქართველოს სსრ უმაღლესი საბჭოს პრეზიდიუმის მიერ დამტკიცებული ადმინისტრაციულ სამართალდარღვევათა კოდექსი, რომელსაც დღევანდელი მართლმსაჯულება ისევ იყენებს. 

დღესაც, გასული წლების მსგავსად, აქტიურად გამოიყენება მშვიდობიანი შეკრების წინააღმდეგ ადმინისტრაციულ სამართალდარღვევათა კოდექსის 166-ე და 173-ე მუხლები.  პოლიცია არასათანადოდ ერევა უფლების განხორციელებაში და არ აძლევს საშუალებას მანიფესტანტებს  პროტესტი გამოხატონ. 

ადამიანის უფლებათა ცენტრს მიაჩნია, რომ მნიშვნელოვან პრობლემას წარმოადგენს ისიც, რომ უფლებაში ჩარევის სასამართლო კონტროლი არ ხორციელდება, რაც ნიშნავს იმას, რომ არ არსებობს დარღვეული უფლების აღდგენის შესაძლებლობა. ამის ნათელი მაგალითია თბილისში, საკრებულოს შენობაში ადმინისტრაციული სამართალდარღვევათა კოდექსის 166-ე და 173-ე მუხლებით დაკავებული 4 სამოქალაქო აქტივისტის საქმე.

ადამიანის უფლებათა ცენტრი 

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ეთანხმებით თუ არა გენერალურ პროკურორად ირაკლი შოთაძის დაბრუნებას?
დიახ არა არ მაქვს პასუხი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC