01:25, Tuesday, 24.11.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

განცხადება პოლიტიკური ლიდერების გათავისუფლებისა და მათ წინააღმდეგ მიმდინარე სისხლის სამართლის საქმეების თაობაზე

18.05.2020

 
ადამიანის უფლებათა ცენტრი დადებითად აფასებს საქართველოს პრეზიდენტის შეწყალების აქტის საფუძველზე თბილისის ყოფილი მერის, „ევროპული საქართველოს“ ერთ-ერთი ლიდერის, გიგი უგულავასა და პარტია „გამარჯვებული საქართველოს“ ლიდერის ირაკლი ოქრუაშვილის პატიმრობიდან გათავისუფლებას. ორივე მსჯავრდებულმა  შეწყალების აქტის გამოცემის დღესვე - 15 მაისს დატოვა პენიტენციური დაწესებულება.  
 
გიგი უგულავა სასჯელს იხდიდა საქართველოს უზენაესი სასამართლოს 2020 წლის 10 თებერვლის განაჩენით, თბილისის განვითარების ფონდის საქმესთან დაკავშირებით, გაფლანგვის ბრალდებით. მას სასჯელის სახით 3 წლით, 2 თვით და 8 დღით თავისუფლების აღკვეთა ჰქონდა მისჯილი.

ირაკლი ოქრუაშვილი სასჯელს იხდიდა თბილისის საქალაქო სასამართლოს 2020 წლის 13 აპრილის განაჩენით, 2019 წლის 20-21 ივნისის მოვლენებდან დაკავშირებულ საქმეზე ძალადობაში მონაწილეობის ბრალდებით. სასჯელის სახით მას 5 წლით თავისუფლების აღკვეთა ჰქონდა მისჯილი.

ორივე ამ განაჩენთან დაკავშირებით არსებობდა მრავალი კითხვა და ეჭვი, რის გამოც ადგილობრივი თუ საერთაშორისო უფლებადამცველი ორგანიზაციები, საქართველოში აკრედიტებული საელჩოები, ევროპისა და აშშ-ის პოლიტიკური მოღვაწეები თუ დიპლომატები გამოხატავდნენ შეშფოთებას და ხელისუფლებას პოლიტიკური ლიდერების გათავისუფლებისკენ მოუწოდებდნენ. ამავე დროს, ხელისუფლება მძაფრი კრიტიკის ობიექტი გახდა 2020 წლის 8 მარტს ხელისუფლებასა და ოპოზიციას შორის გაფორმებული შეთანხმების იმ ნაწილის შეუსრულებლობისათვის, სადაც საუბარი იყო პრეზიდენტის უფლებამოსილების გამოყენებით თავისუფალი, სამართლიანი და გამჭვირვალე საარჩევნო პროცესის ხელშეწყობაზე. სწორედ ამ შეთანხმების შესრულების კონტექსტში ადგილობრივი და საერთაშორისო აქტორები ხელისუფლებას მოუწოდებდნენ პოლიტიკური პატიმრების გათავისუფლებისკენ, რის შემდეგაც შესაძლებელი იქნებოდა საარჩევნო საკითხებზე დისკუსიის გაგრძელება.

ადამიანის უფლებათა ცენტრი ახორციელებს სავარაუდოდ პოლიტიკურად მოტივირებული სისხლის სამართლის საქმეების სასამართლო მონიტორინგს.

7 მაისს ცენტრმა გამოაქვეყნა გიგი უგულავას წინააღმდეგ მიმდინარე სისხლის სამართლის საქმეების სამართლებრივი შეფასება. დოკუმენტში დეტალურად არის გაანალიზებული საქმეებთან დაკავშირებული სავარაუდო პოლიტიკური მოტივები და უხეში ხარვეზები. მსგავსი დოკუმენტი მზადდება ირაკლი ოქრუაშვილის წინააღმდეგ მიმდინარე საქმეებთან დაკავშირებით.

მართალია, გიგი უგულავა და ირაკლი ოქრუაშვილი ამჟამად თავისუფლები არიან, მაგრამ საერთო სასამართლოებში ორივეს წინააღმდეგ მიმდინარეობს სხვადასხვა საქმეები, რაც იმას ნიშნავს, რომ განაჩენის გამოტანის შემდგომ,  უგულავაც და ოქრუაშვილიც კვლავ შეიძლება დაბრუნდნენ საპატიმროში. 

ადამიანის უფლებათა ცენტრი აგრძელებს საერთო სასამართლოებში გიგი უგულავასა და ირაკლი ოქრუაშვილის წინააღმდეგ მიმდინარე სისხლის სამართლის საქმეების მონიტორინგს. ე. წ. აეროპორტის ინციდენტის საქმეში გიგი უგულავას წინააღმდეგ გამოკვეთილია დანაშაულის პროვოცირების მეთოდი, რაც დამახასიათებელია პოლიტიკური მოტივით სისხლის სამართლის დევნისას. არაერთი პრობლემური საკითხი იკვეთება ირაკლი ოქრუაშვილის წინააღდეგ მიმდინარე საქმეშიც, რასაც ასევე ემატება თბილისის საქალაქო სასამართლოს მხრიდან ამ საქმის პროცესების უკანონოდ დახურვა.

მნიშვნელოვანია, რომ პოლიტიკურად მოტივირებულ საქმეებთან დაკავშირებით, მონიტორინგს ასევე ახორციელებს აშშ-ის საელჩო და ევროკავშირის წარმომადგენლობა. შესაბამისად, ყველა დარღვევას და სამართლებრივ პრობლემას ექნება ადეკვატური შეფასება, როგორც ადგილობრივი, ისე საერთაშორისო დამკვირვებლების მხრიდან.

ადამიანის უფლებათა ცენტრი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ეთანხმებით თუ არა გენერალურ პროკურორად ირაკლი შოთაძის დაბრუნებას?
დიახ არა არ მაქვს პასუხი

ბლოგი

მე აფხაზეთში მელიან
აფხაზეთში ბოლოს ხუთი წლის წინ ვიყავი. მას შემდეგ დღე არ გადის, მასზე არ ვიფიქრო, არ ვინატრო იქაური ცის ყურება, რადგან იქ ცაც კი
ვრცლად...
მორიგების მორიგი შეთავაზება
ძალადობის მსხვერპლი ქალები
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC