19:04, Thursday, 25.02.2021
YouTube
Twitter
Facebook
RSS
ქართული English

Web Portal on Human Rights in Georgia

Go
Advanced Search

აგვისტოს ომის მონაწილე 10 წლის შემდეგ სასჯელისგან გათავისუფლდა

19.02.2021

 
18 თებერვალს თბილისის საქალაქო სასამართლოს მოსამართლე გიორგი ებანოიძემ დააკმაყოფილა ადამიანის უფლებათა ცენტრის იურისტის, დიმიტრი ნოზაძის შუამდგომლობა. შშმ მსჯავრდებული,  აკაკი თოხაძე გათავისუფლდა  სასჯელისგან ჯანმრთელობასთან დაკავშირებული პრობლემების გამო. 

აკაკი თოხაძე  2008 წლის აგვისტოს ომის მონაწილეა. 2012 წელს სასამართლომ   6 წლით  თავისუფლების აღკვეთა შეუფარდა სხვისი ქონების განზრახ დაზიანებისთვის.  2012 წლის ამინისტიის შედეგად თოხაძეს სასჯელი გაუნახევრდა და დარჩენილი 3 წლიდან ციხეში მხოლოდ 2 წელი მოიხადა.  

ბრალდებული N8 პენიტენციურ დაწესებულებაში 2011 წელს სრულიად ჯანმრთელი შევიდა. მისი თქმით, საპატიმროში არსებული არაადამიანური მოპყრობის შედეგად გახდა პირველი ჯგუფის შშმ პირი. თოხაძემ  9 თვე საკანში ეტლს მიჯაჭვულმა გაატარა.  ვიდრე არ მიმართა შიმშილობას, არავინ დაინტერესდა მისი მდგომარეობით. ექსპერტების დასკვნით, მას საყრდენ-მამოძრავებელი ფუნქციის სრული მოშლა ჰქონდა და მისი მდგომარეობა განკურნებას არ ექვემდებარებოდა. 2013 წელს მსჯავრდებულს გადაუვადეს სასჯელი და საპატიმროდან გაათავისუფლეს.

აკაკი თოხაძე ჯანმრთელობასთან დაკავშირებული პრობლემების გამო  სასჯელი გადავადებული ჰქონდა რამდენჯერმე. ყოველწლიურად, საკუთარი  ხარჯით უნდა ჩაეტარებინა  სამედიცინო ექსპერტიზა, რათა არ მომხდარიყო მისი ციხეში დაბრუნება.   2018 წელს, უსახსრობის გამო, ვერ წარადგინა ექსპერტიზის დასკვნა, რის შედეგადაც 2019 წლის იანვარში დააკავეს და გადაიყვანეს ჯერ ქუთაისის, ხოლო შემდეგ თბილისის N18 პენიტენციურ დაწესებულებაში.

 სპეციალურმა პენიტენციურმა სამსახურმა ჯანმრთელობის მძიმე მდგომარეობის მქონე მსჯავრდებულს ჩაუტარა სამედიცინო ექსპერტიზა.  ექსპერტიზის დასკვნის საფუძველზე  2019 წლის 21 ივნისს  თოხაძეს კვლავ 1 წლით გადაუვადდა სასჯელი და  გათავისუფლდა N18 პენიტენციური დაწესებულებიდან.  

ადამიანის უფლებათა ცენტრის იურისტმა, დიმიტრი ნოზაძემ 2021 წლის 8 იანვარს შუამდგომლობით მიმართა თბილისის საქალაქო სასამართლოს, რათა სასჯელისგან გაეთავისუფლებინა შშმ პირი აკაკი თოხაძე ჯანმრთელობის მდგომარეობის გამო. 2021 წლის 18 თებერვალს დაკმაყოფილდა შუამდგომლობა და მსჯავრდებული აკაკი თოხაძე გათავისუფლდა სასჯელისაგან. 

Print Send to Friend Send to Facebook Tweet This
Leave your comment
Your name:
Your comment:

Security code: Code
OTHER NEWS
POLL
Do you support the idea to restore Irakli Shotadze to the position of the prosecutor general?
Yes No do not know

BLOG

They wait for me in Abkhazia
Last time, I visited Abkhazia five years ago. Since then, not a day goes by without thinking about it, without missing the Abkhazian
Detailed...
Another proposal on agreement
Women – victims of violence
Archive


EDITORIAL

Forgotten by government veterans
Every year, fewer and fewer veterans of the World War II meet the Victory Day. The society receives information about them only on
Detailed...
Villages of the Hopeless
What happened to Dream of Justice Revival?
Archive
THEMES

CATEGORIES

Copyright © 2004 - 2021 HRIDC