კატეგორიები
ჟურნალისტური მოკვლევა
სტატია
რეპორტაჟი
ანალიზი
ფოტო რეპორტაჟი
ექსკლუზივი
ინტერვიუ
უცხოური მედია საქართველოს შესახებ
რედაქტორის აზრი
პოზიცია
მკითხველის აზრი
ბლოგი
თემები
ბავშვები
ქალები
მართლმსაჯულება
ლტოლვილები / დევნილები
უმცირესობები
მედია
ჯარი
ჯანდაცვა
კორუფცია
არჩევნები
განათლება
პატიმრები
რელიგია
სხვა

პანდემიის პერიოდში სამსახურიდან გათავისუფლებული მოქალაქის სასარგებლოდ კომპანიას კომპენსაციის გადახდა დაეკისრა

14 მარტი, 2021
2021 წლის 10 მარტს ქ. თბილისის საქალაქო სასამართლომ კერძო კომპანიას, პანდემიის პირობებში სამსახურიდან გათავისუფლებული დასაქმებულის სასარგებლოდ, საკომპენსაციო თანხის გადახდა დააკისრა.

მოქალაქე მ.გ. დასაქმებული იყო ერთ-ერთ კერძო კომპანიაში. 2020 წლის ივლისში იგი კომპანიიდან ყოველგვარი დასაბუთების გარეშე გაათავისუფლეს. ეს ხდება მაშინ, როცა ქვეყანაში ახალი კორონავირუსის - COVID19-ის გავრცელების გამო არსებული შეზღუდვების ფონზე, ისედაც მძიმე სოციალურ პიროებებში, დასაქმების სერიოზული პრობლემა გაჩნდა, რასაც მძიმე ფინანსური კრიზისიც ერთვის. 

დამსაქმებლის მიერ კანონის გვერდის ავლით სამსახურიდან გათავისუფლების გამო, მ.გ.-მ საკუთარი უფლების დაცვისა და დახმარების მიღების მიზნით, ადამიანის უფლებათა ცენტრს მომართა. ორგანიზაციის იურისტის, ეკა ლომიძის დახმარებით, საქმის განხილვამ თბილისის საქალაქო სასამართლოში გადაინაცვლა.

თბილისის საქალაქო სასამართლომ საქმის არსებითად განხილვისას დაადგინა, რომ კერძო კომპანიის მხრიდან მ.გ.-ს გათავისუფლება განხორციელდა კანონდარღვევით. ამდენად, თბილისის საქალაქო სასამართლოს გადაწყვეტილებით, კომპანიას, კომპენსაციის სახით, დასაქმებულის მიმართ საკომპენსაცო თანხის - 8000 ლარის გადახდა დააკისრა. 

ადამიანის უფლებათა ცენტრი აგრძელებს პროექტს - „უფასო იურიდიული ადვოკატირება და ადამიანის უფლებათა მონიტორინგი პანდემიის შემდეგ“. პროექტის ფარგლებში, ადამიანის უფლებათა ცენტრი შეისწავლის კორონავირუსიის პანდემიის გამო დაწესებული საგანგებო მდგომარეობისა და მისი დასრულების შემდეგ პერიოდში ადამიანის უფლებების დარღვევის ფაქტებს, მუშაობს უფლებადარღვევათა ძირითადი ტენდენციების გამოვლენასა და კვალიფიციურ იურიდიულ დახმარებას უწევს უფლებადარღვეულ ადამიანებს.

ახალი ამბები