15:26, Tuesday, 22.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

უცხოელი ექსპერტები პატიმართა მდგომარეობით უკმაყოფილონი არიან

01.06.2006
უცხოელი ექსპერტები პატიმართა მდგომარეობით უკმაყოფილონი არიან


საერთაშორისო ორგანიზაციის წარმომადგენლები საქართველოს ციხეებში შექმნილ ვითარებას უარყოფითად აფასებენ. მდგომარეობის შესასწავლად გასულ კვირას თბილისში ორგანიზაცია „ჰუმან რაიტს ვოტჩის“ (Human Rights Watch) ექსპერტები იმყოფებოდნენ. მათ ციხეები დაათვალიერეს, ხელმძღვანელობასაც შეხვდნენ და პატიმრებსაც. შთაბეჭდილებები არადამაკმაყოფილებელია, რაც მათ სპეციალურ ანგარიშში აისახება. 

ჯეინ ბუჩანანი და კაროლინ მაქგრეგორი საქართველოს ციხეებში მონიტორინგს 2 კვირა ატარებდნენ. ისინი სტუმრობდნენ თბილისის მე-5 და მე-7 იზოლატორებს, ასევე ციხის რესპუბლიკურ საავადმყოფოს, რუსთავის პირველ და მეექვსე კოლონიას, ქუთაისის მე-2 იზოლატორს. ასევე შეხვედრები ჰქონდათ იუსტიციის მინისტრთან, სასჯელაღსრულების დეპარტამენტის თავმჯდომარესთან და გენერალურ პროკურორთან. სისტემაში არსებული მდგომარეობის შესახებ ექსპერტი ჯეინ ბუჩანანი „ადამიანის უფლებათა საინფორმაციო და სადოკუმენტაციო ცენტრის“ ჟურნალისტს შეხვდა და ესაუბრა. ის საკმაოდ უკმაყოფილოა და საქართველოს მთავრობას რეკომენდაციებს აძლევს. 

ჯეინ ბუჩანანი: „საქართველოს ოფიციალურ პირებთან შეხვედრისას ციხეებში არსებულ სიტუაციასთან დაკავშირებით, ჩვენ  წინასწარი დასკვნები წარმოვადგინეთ და ავღნიშნეთ, რომ ციხეში არსებული პირობები და პატიმრებისადმი მოპყრობა  საერთაშორისო სტანდარტებს არ შეესაბამება. წინასწარი დასკვნებით,  შეშფოთებულები ვართ. ციხეებში არის პატიმართა დიდი რაოდენობა და ანტისანიტარია, ირღვევა პატიმართა ისეთი უფლებები, როგორიც არის ჯანმრთელობა და ინფორმაციის ქონის უფლება. მართალია, ახალაშენებულ ციხეებში არის სისუფთავე, მაგრამ ისიც გადაჭედილია. ასე რომ, პატიმართა უფლებები უდაოდ ირღვევა. შეშფოთებულები ვართ, რომ პატიმრები განიცდიან როგორც ფიზიკურ, ისე სიტყვიერ შეურაცხყოფას. ის ადამიანები კი, რომლებიც ზეწოლას ახდენენ პატიმრებზე, დასჯილნი არ არიან. აღნიშნული მონიტორინგის საფუძველზე ჩვენ დეტალურ მოხსენებას მოვამზადებთ, რომელშიც ის რეკომენდაციები აისახება, რომელიც სიტუაციის გამოსასწორებლად აუცილებელია.“ 

ექსპერტები შეშფოთებულები არიან ციხეებში პატიმართა გარდაცვალებითაც. იუსტიციის სამინისტროს ინფორმაციით, 2005 წელს გარდაცვლილია 47 პატიმარი, 2006 წლის 4 თვეში კი 24 პატიმარი. როგორც ექსპერტებმა გვითხრეს, იუსტიციის სამინისტროს მათთვის აღნიშნული სტატისტიკა რა მიუწოდებია. „რაც შეეხება სიკვდილიანობის მაჩვენებელს, 2005 წლის სტატისტიკა არ გამაჩნია. 2006 წლის  22 მაისს პენიტენციალურმა დეპარტამენტმა „ჰუმან რაიტს ვოტჩს“ მიაწოდა ინფორმაცია, რომ 2005 წლის 10 დეკემბრიდან 2006 წლის მაისამდე გარდაცვლილია 10 პატიმარი. ამ რიცხვში ის 7 ადამიანიც შედის, რომლებიც ციხეში სპეცოპერაციისას დაიღუპნენ. თითოეული პატიმრის სიკვდილით შეშფოთებულნი ვართ, ვინაიდან ყველა ადამანს აქვს სიცოცხლის უფლება. იმედი გვაქვს, რომ მთავრობა, განსაკუთრებით  გენერალური პროკურატურა მიუკერძოებელ გამოძიებას ჩაატარებს და გაარკვევს, რამდენად სამართლიანად მოხდა პოლიციელების მხრიდან ძალის  გამოყენება და ხომ არ მოხდა ძალის გადაჭარბება“,- ამბობს ჯეინ ბუჩანანი.  

„ჰუმან რაიტს ვოტჩი“  საქართველოს სასჯელაღსრულებით დაწესებულებებში მონიტორინგს პერიოდულად ატარებს. წლევანდელი მონიტორინგი პირველი არ ყოფილა. სისტემაში არსებული მდგომარეობით კი საერთაშორისო ორგანიზაცია ყოველთვის უკმაყოფილოა.

ეკა გულუა

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC