00:18, Tuesday, 07.04.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ხელისუფლების საახალწლო ,,სიურპრიზი” მოვაჭრეებს

19.12.2006
market.gifბორჯომის საკოლმეურნეო ბაზრის მოვაჭრეები უკანასკნელი ერთი კვირის განმავლობაში გამგეობის წინ საპროტესტო აქციებს მართავენ. ისინი ბაზრის გახსნას მოითხოვენ და ქალაქგარეთ ახალ შენობაში გადასვლას სასტიკად ეწინააღმდეგებიან. აქციებს ამ ეტაპისათვის არავითარი შედეგები არ მოჰყოლია.

დეკემბრის თვე ბორჯომის საკოლმეურნეო ბაზრის მოვაჭრებისათვის მათივე განცხადებით ავადსახსენებელ თვედ იქცა. სამუშაოდ გამოსული მოვაჭრეები ერთ დილას  საკოლმეურნეო ბაზრში აღარ შეუშვეს. ბაზარი ხელისუფლების გადაწყვეტილებით ქალაქგარეთ ჩარხისწყალზე გადატანეს. ,,დუბინკებს” მოვიტანთ და ,,დუბინკებით “ გამოკრეკავთ ძველი შენობიდანო”, - ასე დაგვემუქრა ხელისუფლება აცხადებენ აქციის მონაწილეები.

,,საახალწლოდ ხელისუფლებამ დიდი სიურპრიზი მოგვიწყო. ბაზარი დაგვიკეტა და ქალაქგარეთ გაგვყარა. ეს ჩვენი დაღუპვის ტოლფასია. ათეული წლებია ბაზარი ამ ადგილას არის და საინტერესოა, რომელ ჭკუათმყოფელს მოუვიდა აზრად მისი ქალაქგარეთ გადატანა”, - ამბობს აქციის მონაწილე დათო ქარელი.

,,გვინდა ბაზარში ცოტა ხანს მაინც დაგვტოვონ. ამ ბაზრის იმედზე ვართ და მისი დაკეტვა ჩვენთვის შიმშილით დახოცვის ნიშნავს. ჯერ აქ რას ვვაჭრობთ და იმ მიგდებულ ადგილას ვინ ჩამოვა. ვიღაცამ უნდა გვიშველოს”,- წუხს მოვაჭრე ლამზირა ფერაძე.

მოვაჭრეები ახალ ბაზარში დაწესებულ მაღალ გადასახადზეც დარდობენ.

,,ვიღაცამ კომერციული ბაზარი ააშენა, გადასახადზე  საკმაოდ მაღალი ფასები დააწესა. მოვაჭრე, რომელიც მთელი დღის განმავლობაში კაპიკების გულისთვის დგას, ასეთ ყოველდღიურ გადასახადს როგორ გადაიხდის?”, - კითხულობს აქციის მონაწილე, მოვაჭრე ნაზი კაპანაძე.

ახალი ბაზრის დირექტორი მევლუდ ტალახაძე საპირისპიროს ამტკიცებს: - ,,ბაზრის შენობა თანამედროვე სტანდარტებს აკმაყოფილებს და ყოველდღიური გადასახადიც თითქმის იგივეა”, - ამბობს ის.

აქციის მონაწილე მოვაჭრეებს მიაჩნიათ, რომ ადგილობრივ ხელისუფლებას მათი  პრობლემები აბსოლუტურად არ აინტერესებს.

,,რაიონის ახალ გამგებელს ველაპარაკეთ, გათიშული მთვრალი იყო და ხალხის ნერვებზე თამაშობდა, ისედაც ნერვებდაწყვეტილი ხალხი უფრო გადაგვრია”, - გვითხრა აქციის მონაწილე იამზე თუთისანმა.

რაიონის ახალი გამგებელი თემურ სტეფნაძე კი აცხადებს, რომ „ბაზარს ქალაქგარეთ გადაიტანენ, რადგან ბორჯომი საკურორტო ზონაა და სეზონზე ცენტრში ამის გამო პრობლემები იქმნება. ამიტომაც ჩარხისწყალი საბაზრო ზონად გამოცხადდა და საკრებულოს დადგენილებით ბაზარი აქ გადმოვიდა.  ხელისუფლება ამ საკითხზე პოზიციას არ შეიცვლის”, -  კატეგორიულია ახალი გამგებელი.

ადგილობრივი ხელისუფლება ძველი ბაზრის ტერიტორიაზე გადამზადების ცენტრის ამოქმედებას გეგმავს. მომავალი წლიდან იქ ტურისტული კომპანიის თანამშრომლები მომზადდებიან, პრიორიტეტი საკურორტო ზონისათვის დამახასიათებელ პროფესიებს მიენიჭება. მოვაჭრეების ბედი კი ჰაერშია გამოკიდებული.


გულო კოხოძე, ბორჯომი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მომზადებული შეხვდა თუ არა ქვეყანა საგანგებო მდგომარეობის გამოცხადებას?
დიახ არა ნაწილობრივ

ბლოგი

აპოკალიფსი არ იქნება
  ჩვენი ქვეყნის სახელმწიფოებრიობის მრავალსაუკუნოვანი ისტორიის მიუხედავად, სწორედ ახლა არის დრო, როცა საქართველოში პასუხისმგებლიანი სამოქალაქო საზოგადოების ჩამოყალიბება შეგვიძლია, რამაც მნიშვნელოვნად უნდა
ვრცლად...
საგანგებო მდგომარეობის გავლენა საპარლამენტო არჩევნებზე
შშმ მსჯავრდებულთა უფლებები პენიტენციურ დაწესებულებაში
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC