01:12, Tuesday, 07.04.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

გარდაცვლილის ოჯახი მკვლელის დასჯას ითხოვს

21.12.2006
patrol.jpgგუშინ, ქუთაისში, პატრულის თანამშრომლის მიერ გასულ კვირას მოკლული ვალერი ფხაკაძე დაკრძალეს. ნასვამ მდგომარეობაში მყოფ 19 წლის ფხაკაძეს ივანე კაპატაძემ ესროლა. ტაბელური იარაღიდან სამჯერ გასროლით დაჭრილი ფხაკაძე სისხლისგან დაიცალა. იგი დასავლეთ საქართველოს ინტერვენციულ სამედიცინო ცენტრში გარდაიცვალა. დაკრძალვაზე 'თანასწორობის ინსტიტუტის' თანამშრომლები ლევან გოგიჩაიშვილი და დავით დალაქიშვილი ჩავიდნენ.

ლევან გოგიჩაიშვილი: 'კომენტარის გაკეთება ძალიან მიჭირს. იმდენად გაიხრწნა დღევანდელი ხელისუფლება და შს სამინისტროს წარმომადგენლები, რომ  ახალგაზრდა, ბორკილდადებული ადამიანების შუა ქუჩაში ხოცვასაც აღარ ერიდებიან. ვანო მერაბიშვილი ლაჩარი და მკვლელების ხელმძღვანელია. დღევანდელი დღე არამარტო ამ ოჯახისთვისაა ტრაგიკული, არამედ მთელი საქართველოსთვის. ჩამოვიდეს ქალბატონი ნინო ბურჯანაძე და აუხსნას გარდაცვლილის ოჯახს, რატომ მოუკლა მათ პატრულმა შვილი. როგორც ჩანს, მათი ურყევი კურსი - ქუჩაში ხოცონ ადამიანები - არ იცვლება.'

'თანასწორობის ინსტიტუტის' გარდა ფხაკაძის ოჯახს თანაგრძნობა ასევე პატრულის მიერ მოკლული ამირან რობაქიძის ბებიამ და ბაბუამ გამოუცხადეს: 'ამ ფაქტმა ჩემი შვილიშვილის მკვლელობისგან გამოწვეული სიმწარე განმიახლა. ჩამოვედი, რათა მივუსამძიმრო ოჯახს. ჩემი შვილიშვილის მკვლელმა აღიარა, რომ განზრახ მოკლა. მერე შეაცვლევინეს ჩვენება და თქვა შემთხვევით გამივარდაო. აი, ასეთ ქვეყანაში ვცხოვრობთ, მაგრამ ალბათ დადგება დრო, როცა ეს განუკითხაობაც დასრულდება,' - აცხადებს ამირან რობაქიძის ბაბუა.

გარდაცვლილის ოჯახი ივანე კაპატაძის სათანადოდ დასჯას ითხოვს. ამ უკანასკნელს ქუთაისის სააპელაციო სასამართლომ იმერეთის სამხარეო პროკურატურის შუამდგომლობით წინასწარი ორთვიანი პატიმრობა შეუფარდა. საქმის გამოძიება იმერეთის სამხარეო პროკურატურაში გრძელდება.

'მარტო პატრულის დასჯა საკმარისი არ არის. ვინც ამ ხალხს ხელს აფარებს, ისინი უნდა დაისაჯონ. მე მეტი აღარაფერი დამრჩენია. მოვითხოვ, გამოძიება კანონიერების სრული დაცვით ჩატარდეს,' - აცხადებს გარდაცვლილის მამა ბორის ფხაკაძე.

რაც შეეხება 'თანასწორობის ინსტიტუტის' თანამშრომლებს, ისინი ქუთაისში, სავარაუდოდ, ორი-სამი დღის განმავლობაში დარჩებიან. ისინი საპროტესტო აქციების გამართვას არ გამორიცხავენ.


 შორენა კაკაბაძე, ქუთაისი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

აპოკალიფსი არ იქნება
  ჩვენი ქვეყნის სახელმწიფოებრიობის მრავალსაუკუნოვანი ისტორიის მიუხედავად, სწორედ ახლა არის დრო, როცა საქართველოში პასუხისმგებლიანი სამოქალაქო საზოგადოების ჩამოყალიბება შეგვიძლია, რამაც მნიშვნელოვნად უნდა
ვრცლად...
საგანგებო მდგომარეობის გავლენა საპარლამენტო არჩევნებზე
შშმ მსჯავრდებულთა უფლებები პენიტენციურ დაწესებულებაში
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC