00:02, Tuesday, 07.04.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

თურქეთიდან ქართველების მასობრივი დეპორტირება გრძელდება

21.12.2006
deportirebulebi.gifბათუმში, თურქეთის საკონსულოსთან, თურქეთიდან დეპორტირებული საქართველოს მოქალაქეების აქციები პერმანენტულად მიმდინარეობს. 19 დეკემბერს, საკონსულოსთან, თურქეთიდან დეპორტირებულები კვლავ შეიკრიბნენ და თურქეთის კონსულთან შეხვედრა დეპორტაციის მიზეზებისა და ვადების დაზუსტების მიზნით მოითხოვეს.

'თურქეთის ჟანდარმერიამ, გაურკვეველი მიზეზით, სტამბულის ქუჩებში, 25 ადამიანი აგვიყვანა და 8 დღის განმავლობაში სტამბულის ციხეში გამოგვკეტა. საბუთები შეგვიმოწმეს, გვითხრეს, ყველაფერი წესრიგში გაქვთო, მაგრამ გათავისუფლების ნაცვლად საზღვრამდე მოგვიყვანეს და პასპორტში დეპორტაცია ჩაგვირტყეს. არ უთქვამთ რა დავაშავეთ და რატომ  ან რამდენი ხნით აგვეკრძალა თურქეთში შესვლა' - ამბობს დეპორტირებული თამაზ კილაძე.

'რუსეთი არ გვიღებს ქართველები ხართო, ახლა თურქეთიდანაც გვაძევებენ, იქნებ ხელისუფლებამ აგვიხსნას  რა ვქნათ?' - ამბობს სასოწარკვეთილი გურამ აბდულიში, რომელიც წლების განმავლობაში თურქეთიდან გადმოტანილი პროდუქციით ვაჭრობს.

დეპორტირებულებმა რამდენჯერმე სცადეს მთავრობასთან დაკავშირება, მაგრამ ერთადერთი სტრუქტურა - საგარეო საქმეთა წარმომადგელობა ბათუში, რომელიც მათ წინაშე იყო ანგარიშვალდებული, 14 დეკემბერს გაუქმდა. ამ საკითხთან დაკავშირებით თურქეთის გენერალური საკონსულო კომენტარს არ აკეთებს. თურქეთის გენერალური საკონსულოს დაცვის თანამშრომლის ინფორმაციით, კონსული ადგილზე არ იმყოფებოდა. თურქეთიდან საქართველოს მოქალაქეთა მასობრივი დეპორტირება ნოემბერში დაიწყო.

15 ნოემბერს საქართველოს 8 მოქალაქე სარფის საბაჟოდან უკან დააბრუნეს. 21 ნოემბერს ხოფა ფაშიდან, მოტივაციის გარეშე 125 ქართველი დააპატიმრეს და საქართვლოში დააბრუნეს. 25 ნოემბერს კი სტამბულიდან 25 ქართველი გამოაძევეს. დეპორტირებულთა ინფორმაციით, ქართველების დაკავება და გათავისუფლება ისე მოხდა, რომ სასამართლო პროცესი არ გამართულა. იურისტის, იაგო ბარამიძის განცხადებით, თუკი  ადამიანებისთვის პატიმრობის შეფარდება სასამართლოს გარეშე მოხდა, მაშინ პატიმრობა უკანონოა: 'საქართველოს კანონმდებლობით, ნებისმიერ პირს პატიმრობა სასამართლო გადაწყვეტილებით ეფარდება. სხვა შემთხვევაში პატიმრობა უკანონოა'.

თურქეთიდან მასობრივ დეპორტირებაზე და საქართველოს მოქალაქეების დაპატიმრებებზე ოფიციალურ კომენტარებს აჭარის მთავრობაში არ აკეთებენ. საქართველოს კონსტიტუციით კი  ხელისუფლება  ვალდებულია საკუთარი მოქალაქეების დაცვა უზრუნველყოს.   
       

ბათუმი, სოფო ჟღენტი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

აპოკალიფსი არ იქნება
  ჩვენი ქვეყნის სახელმწიფოებრიობის მრავალსაუკუნოვანი ისტორიის მიუხედავად, სწორედ ახლა არის დრო, როცა საქართველოში პასუხისმგებლიანი სამოქალაქო საზოგადოების ჩამოყალიბება შეგვიძლია, რამაც მნიშვნელოვნად უნდა
ვრცლად...
საგანგებო მდგომარეობის გავლენა საპარლამენტო არჩევნებზე
შშმ მსჯავრდებულთა უფლებები პენიტენციურ დაწესებულებაში
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC