06:35, Wednesday, 21.08.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ახალი გუბერნატორი ქონების ჩამორთმევის კამპანიას სხვა გზებით აპირებს

04.10.2007
 შიდა ქართლში მომხდარი საკადრო ცვლილებების მიუხედავად, საჯარო ინფორმაციის მიღება მაინც ჭირს. საქმეს ართულებს სამართალდამცავ სტრუქტურებში რაიონის გამგეობის მთელი დოკუმენტაციის წაღება. ჟურნალისტები მართალია ამბობენ, რომ ადმინისტრაციულ შენობაში შეშვება პრობლემას აღარ წარმოადგენს, თუმცა იქ შესვლას რა აზრი აქვს, როცა იქიდან ვერანაირ ოფიციალურ დოკუმენტს ვერ წაიღებს ვინმე.

შიდა ქართლის ახალმა გუბერნატორმა ლადო გეგელაშვილმა პირველ ეტაპზე არასამთავრობო ორგანიზაციებთან შეხვედრა მოაწყო. ჟურნალისტებთან შეხვედრას კი ჯერ-ჯერობით არ ჩქარობს.

რწმუნებული ლადო გეგელაშვილი გორში მოქმედ შემდეგ არასამთავრობო ორგანიზაციის წარმომადგენლებს - ,,ადამიანის უფლებათა ცენტრის", გორის სადისკუსიო კლუბის,  ,,ახალგაზრდა იურისტთა ასოციაციის", გორის საინფორმაციო ცენტრის, მრავალეროვანი საქართველოს შიდა ქართლის ორგანიზაციის, საზოგადოება ბილიკის, საპარტნიორო საბჭოს და ოჯახური ძალადობის ცენტრის წარმომადგენლებს შეხვდა.

არასამთავრობო ორგანიზაციის წევრებმა ადმინისტრაციულ შენობაში საშვთა სისტემის გაუქმების საკითხი დაყენეს. მათ ასევე  საკრებულოს სხდომებზე დაუბრკოლებლად დასწრება მოითხოვეს.  ამ საკითხზე გეგელაშვილის კომენტარი ასეთი იყო:

,,ეს შენობა რეალურად გახდება შენობა, სადაც ნებისმიერი პიროვნება თავისუფლად შევა და გამოვა. შენობასთან რომ არის ის ქოთნები, ეს არ მინდა პოპულიზმად ჩამითვალოთ, უნდა მოვაშოროთ. ეს არის სულ ორი კვირის საქმე, ვიდრე გამგებელი არ აირჩევა. საშვთა სისტემა მოიხსნება. სულ რაღაც ორი კვირის შემდეგ ყველაფერი მოწესრიგდება, ნებისმიერი ინფორმაციის მიღება შეგეძლებათ. საკრებულოს სხდომები საჯარო გახდება, რითაც საზოგადოება დაინახავს რეალურად რა ხდება ამ სხდომებზე. სულაც არა მაქვს სურვილი ჟურნალებმა და გაზეთებმა ცუდი სტატიები ბეჭდონ", - განაცხადა გუბერნატორმა.

შეხვედრაზე დაისვა საკითხი, თუ რა ელით იმ მეწარმეებს, რომლებსაც ძალადობით, რეკეტით წაართვეს კუთვნილი ქონება. ამის შესახებ გეგელაშვილს ცალსახა პოზიცია გააჩნია:

,,შესაძლოა ბევრ ადამიანს თავის დროზე არაკანონიერად ჰქონდა გაფორმებული ქონება და შემდგომში ადგილობრივმა ხელისუფლებამ ასევე არაკანონიერად გადაიფორმა ქონება. ასეთი მომენტები ბევრია. ჩემს წინამორბედებს ძალიან ცუდი სტილი ჰქონდათ, მაშინ როცა შეიძლებოდა სიტუაცია გადაწყვეტილიყო კანონის ძალით, ისინი მივარდნებით, ჩხუბით და ლანძღვა-გინებით აკეთებდნენ ყველაფერს. ასეთ ფაქტებს, რა თქმა უნდა, განვიხილავთ... თუ მეწარმესაც თავის დროზე არაკანონიერად ჰქონდა ქონება მიღებული, ამასაც არ დავტოვებთ უყურადღებოდ. სამართლიანობა უნდა აღდგეს." - დაამატა გეგელაშვილმა.

საბა წიწიკაშვილი, გორი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

სიკვდილით სავსე ქალაქი
ჩაიცვით საუკეთესო ტანსაცმელი. კარგად დახედეთ ბავშვებს და ჩაეხუტეთ. მოიკითხეთ დედა. დაურეკეთ მეგობრებს. გადახედეთ სახლის საბუთებს, ხომ წესრიგშია. თქვენ მალე მოკვდებით. თქვენ მოკვდებით ავარიაში.
ვრცლად...
უგზო-უკვლოდ დაკარგულები - „არ დამივიწყო!“
კუდები გვაკვირვებს
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC