09:12, Sunday, 31.05.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

სულიერად დაავადებული უსახლკაროდ დატოვეს

08.10.2007
ქუთაისში, თამარ მეფის ქუჩაზე მდებარე მშენებარე ელიტარული სახლი უახლოეს მომავალში შესაძლოა განხეთქილების საგნად იქცეს. ბინას, რომელსაც "ცენტრ-პოინტის" შვილობილი კომპანია "სპექტრი 7" აშენებს, სულიერად დაავადებული დავით თელიას სახლი ემსხვერპლა. შესაბამისად, ქუჩაში აღმოჩნდა სოციალურად დაუცველი, მარტოხელა თელია, რომელიც დახმარებას თვეზე მეტია უშედეგოდ ითხოვს.

გასულ კვირას დავით თელიამ დახმარებისთვის "ადამიანის უფლებათა ცენტრის" ქუთაისის ოფისს მიმართა. თელიამ განაცხადა, რომ მისთვის არავის უკითხავს, სახლი ისე დაუნგრიეს და მშენებლობა წამოიწყეს, რომ მისი ბედი დღეს მხოლოდ "თანასწორობის ინსტიტუტს" და მეზობლებს აღელვებს, რომლებიც უსამართლობასთან ჯერჯერობით ვერაფერს გახდნენ.

"თამარ მეფის #72-ში მშენებლობის წამოწყების უფლება არავის ჰქონდა, რადგან აქ ცხოვრობდა ადამიანი, რომელსაც სახლი უკანონოდ დაუნგრიეს. ფსიქიატრიული საავადმყოფოდან დაბრუნებულ თელიას სახლი დანგრეული დახვდა. არადა, სახლი საჯარო რეესტრით ამ კაცის სახელზე ირიცხება. ჩვენ ამ სახლის მშენებლობის კანონიერების გასარკვევად ყველა ინსტანციას მივმართეთ. ფაქტია, თელიას საკუთრების უფლება ფეხქვეშ გაითელა", - აცხადებს არასამთავრობო ორგანიზაცია "თანასწორობის ინსტიტუტის" წარმომადგენელი ქუთაისში გოჩა ბაძგარაძე.

საჯარო რეესტრის მონაცემებით მშენებარე ბინის ტერიტორიაზე უძრავი ქონების ერთადერთი მემკვიდრე დავით თელიაა. თუმცა, დღეს იგი არავის ახსოვს. "სპექტრი 7"-ის დირექტორის მალხაზ ყიფშიძის განმარტებით, თელია მისთვის უცნობი გვარია და პირველად ესმის.

"ჩვენ ამ დღეებში "სპექტრი 7"-ის წინააღმდეგ სარჩელს შევიტანთ სასამართლოში. ადვოკატმა მასალები მოკვლევისთვის უკვე გადასცა პროკურატურას. თელიას ინტერესებს სასამართლოში მისი მეურვე-მეგობარი გოჩა ჭიღვარია დაიცავს. ჩვენ ბოლომდე მივყვებით ამ საქმეს და დავამტკიცებთ, რომ არავის აქვს თუნდაც მარტოხელა, სულიერად დაავადებული ადამიანის ქონების ხელყოფის უფლება", - აცხადებს გოჩა ბაძგარაძე.

როგორც ირკვევა, ელიტარული სახლის მშენებლობით, დავით თელიას გარდა, თამარ მეფის პარალელური ქუჩის მცხოვრებლებიც ზარალდებიან. შანიძის აღმართის მოსახლეობა აცხადებს, რომ აღნიშნულ ადგილზე მიწა ცოცავს და წვიმიან ამინდში მათი სახლები წყლით ივსება. გარდა ამისა, არსებობს საფრთხე, მიწა მოწყდეს და უბედურება დატრიალდეს.

მშენებლობის ორგანიზატორი ფირმის წინააღმდეგ სარჩელს ქუთაისის საქალაქო სასამართლო სავარაუდოდ ერთ კვირაში მიიღებს. ამასობაში, ალბათ, სათქმელი პროკურატურასაც დაუგროვდება და არაერთი აქამდე უცნობი დეტალი საბოლოოდ გამჟღავნდება.

შორენა კაკაბაძე, ქუთაისი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

სექსუალური უმცირესობები საქართველოს ციხეებში
ბლოგი შექმნილია ევროკავშირის მიერ დაფინანსებული პროექტის „სასჯელაღსრულებისა და პრობაციის რეფორმების ხელშეწყობა და მონიტორინგი სამოქალაქო საზოგადოების ჩართულობით“ ფარგლებში, რომელსაც ახორციელებს ორგანიზაცია „ციხის საერთაშორისო რეფორმა“
ვრცლად...
უჩინარი მტერი
აპოკალიფსი არ იქნება
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC