09:35, Sunday, 31.05.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ზუგდიდელი ადვოკატი დაზარალებულ მხარეს ზეწოლაში ადანაშაულებს

12.10.2007
ყაჩაღურ თავდასხმაში ბრალდებულების ემზარ როგავას, ჯეირან ხარებავასა და ემზარ გვილიას ადვოკატები პოლიციისა და პროკურატურის თანამშრომლებს საქმის ტენედციურად წარმართვაში ადანაშაულებენ.

ემზარ როგავას ინტერესების დამცველს, ლონდა შამუგიას გამომძიებელ დავით ხაზალიას ობექტურობაში ეჭვი მაშინ შეეპარა, როდესაც ექვსთვიანი გამოძიების პროცესში მან დაცვის მხარის მოწმეები არ დაკითხა და საქმეში დაზარალებულთა ჩვენების გარდა სხვა მყარი მტკიცებულება ვერ აღმოაჩინა. იგივე მოსაზრებას გამოთქვამს გვილიასა და ხარებავას ადვოკატი ბაჩუკი ყურაშვილი, რომელიც ექსპერტიზის დასკვნის დაუშვებელ მტკიცებულებად ცნობის შესახებ შუამდგომლობის დაყენებას სასამართლოს წინაშე მომავალ სხდომაზე გეგმავს.

ადვოკატების შეშფოთებას სწორედ შემთხვევის ადგილიდან მოპოვებული მასალების ექსპერტიზის დასკვნები იწვევს. დაქტილოსკოპიური ექსპერტიზის დასკვნის მიხედვით, ბრალდებულთა თითის ანაბეჭდები არ ემთხვევა შემთხვევის ადგილიდან ამოღებულ ნიმუშებს. სამაგიეროდ, წინასწარი გამოძიება  მათ სასარგებლოდ საქმის გამყარებას ოდოროლოგიური ექსპერტიზის დასკვნით შეეცადა, რომელიც დაცვის მხარესა და განსასჯელებს სასამართლო პროცესამდე არ გააცნეს. ადვოკატების თქმით, ექსპერტიზის შედეგებს ისინი პოლიციაში, პროკურატურასა და სასამართლოში 20 დღის განმავლობაში უშედეგოდ ეძებდნენ.

ადვოკატების განმარტებით, გამომძიებელს საქმეში არსებულ დადგენილებაში სერიოზული უზუსტობა გაეპარა. ლონდა შამუგია: „ჩემთვის უცნობია თუ რა განზრახვა ჰქონდა გამომძიებელ დავით ხაზალიას მაშინ, როცა ექსპერტიზის ეროვნულ ბიუროში გასაგზავნად გამზადებული დადგენილების პირველ აბზაცში დაზარალებულის მიერ ნივთმტკიცებად წარმოდგენილი „ორი“ ნიღაბი შავი ფანქრით გადააკეთა და „ერთი“ აღნიშნა, ხოლო მომდევნო აბზაცში კი „ორი“ დატოვა. იმ დოკუმენტში, რასაც ადვოკატებმა ხელი მოვაწერეთ, ერთი ნიღაბი იყო მითითებული. ასეთივე ბუნდოვანი პასუხი აღმოჩნდა ექსპერტიზის ეროვნული ბიუროდან მიღებულ დასკვნაშიც“.

ბაჩუკი ყურაშვილი: „დაუშვებელია ის ფაქტი, რომ ყაჩაღობაში ბრალდებულებს ერთი და იგივე ნიღბით ესარგებლათ, ვინაიდან დაზარალებულები გამოძიებისთვის მიცემულ ჩვენებებში აღნიშნავენ, რომ ექვსივე ყაჩაღს თაცდასხმის დროს ნიღბები ეკეთათ. ოდოროლოგიური ექსპერტიზის დასკვნის მიხედვით კი ერთ თუ ორ ნიღაბში სამივე განსასჯელის სუნის კვალი აღმოჩნდა“.

11 ოქტომბერს ზუგდიდის რაიონულ სასამართლოში მოსამართლე ჯეირან მორგოშიამ ყაჩაღურ თავდასხმაში ბრალდებულთა საქმის განხილვა დაიწყო. პროცესზე იძულების წესით იქნა წარმოდგენილი დაზარალებული მხარე. კოტე, ნათელა, ეთო და გელა შეროზიები ზუგდიდელ სამართალდამცველებს პროტესტს უცხადებენ. დაზარალებულებმა წინასწარი გამოძიების პროცესში უნდობლობა ჯერ გამომძიებელ დავით ხაზალიას, ხოლო შემდეგ მათი ინტერესების დამცველ ადვოკატს, დარიკო თორდიას გამოუცხადეს. მოგვიანებით კი მათ წინააღმდეგ საოლქო პროკურატურაში საჩივარიც შეიტანეს.

ადვოკატმა დარიკო თორდიამ შეროზიების ინტერესების დაცვაზე უარი იმ მოტივით განაცხადა, რომ დაზარალებული მხარე მასზე ზეწოლას და მის მოსყიდვას ცდილობდა. „ექსპერტიზის დასკვნის გაყალბება მომთხოვეს, ოფისში მომივარდნენ და დარბევას შეეცადნენ. ნათელა შეროზია მიცხადებდა, რომ ორდერის თანხა მხოლოდ იმისათვის გადამიხადა, რომ საქმე მის სასარგებლოდ წარმემართა. ისინი დამატებითი თანხის გადახდასაც მთავაზობდნენ, თუ ექსპერტიზის დასკვნის გაყალბებას შევძლებდი“.

პირველ სასამართლო სხდომაზე ადვოკატებმა დაზარალებულთა ჩვენებებში გადასწორებული და ჩამატებული წინადადებებიც აღმოაჩინეს, რომელიც მათი თქმით,  პროკურორის, ლევან საჯაიას ტენდენციურობაზე მიანიშნებს. საქმის განხილვა ზუგდიდის რაიონულ სასამართლოში 22 ოქტომბერს განახლდება.

ნანა ფაჟავა, ზუგდიდი

Print Send to Friend Send to Facebook Tweet This
სახელი: ნანა
2011-04-11 19:41
პროკურორ ლევან საჯაიასგან საქმის გაყალბება გასაკვირი არ არის, ვინაიდან ის გაყალბების ოსტატია.
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მომზადებული შეხვდა თუ არა ქვეყანა საგანგებო მდგომარეობის გამოცხადებას?
დიახ არა ნაწილობრივ

ბლოგი

სექსუალური უმცირესობები საქართველოს ციხეებში
ბლოგი შექმნილია ევროკავშირის მიერ დაფინანსებული პროექტის „სასჯელაღსრულებისა და პრობაციის რეფორმების ხელშეწყობა და მონიტორინგი სამოქალაქო საზოგადოების ჩართულობით“ ფარგლებში, რომელსაც ახორციელებს ორგანიზაცია „ციხის საერთაშორისო რეფორმა“
ვრცლად...
უჩინარი მტერი
აპოკალიფსი არ იქნება
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC