21:20, Tuesday, 07.07.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

საოპერაციო ავადმყოფი ციხეში ზის

23.12.2008
ნონა სუვარიანი, თბილისი

გულის მანკით დაავადებულ პატიმარს მკურნალობის საშუალებას არ აძლევენ. დაკავების დღიდან ის ძლიერ ტკივილს უჩივის, მაგრამ სასჯელაღსრულების დეპარტამენტის ინფორმაციით, მისი  საავადმყოფოში გადაყვანა შესაბამისი ექსპერტიზის დასკვნის გარეშე ვერ ხერხდება.

ანზორ მიმინოშვილი პირველად 2006 წლის 14 დეკემბერს ნარკოტიკების შეძენის ფაქტზე დააკავეს. 2007 წლის 23 აგვისტოს სასამართლომ დააკმაყოფილა სასჯელაღსრულების დეპარტამენტის შუამდგომლობა და პატიმარი ჯანმრთელობის გაუმჯობესებამდე გაათავისუფლეს. როგორც „კონსტიტუციის 42–ე მუხლში“ აცხადებან, დეპარტამენტის ხელმძღვანელს ამ ნაბიჯის გადადგმა ევროსასამართლომ აიძულა. ევროსასამართლომდე ადვოკატებს და მიმინოშვილის ოჯახის წევრებს ხანგრძლივი და უშედეგო ბრძოლა უწევდათ. მიმინოშვილი  სასამართლო ექსპერტიზის საფუძველზე გაათავისუფლეს. დასკვნაში ჩაიწერა: „ამ ეტაპზე პაციენტს ესაჭიროება კარდიოლოგიური მკურნალობა... ოპერაციული ჩარევა უნდა მოხდეს რაც შეიძლება სწრაფად“.

მანანა კობახიძე, არასამთავრობო ორგანიზაციის „კონსტიტუციის 42–ე მუხლის“ იურისტი: „სამწუხაროდ, ოპერაცია ვერ გაიკეთა, საკმარისი თანხა არ ჰქონდა. სახელმწიფომ მისი მკურნალობა არ დააფინანსა. ჯანდაცვის სამინისტროს წინააღმდეგ სარჩელის შეტანას ვაპირებდით, ამასობაში კი ისევ დააკავეს“.

მეორედ მიმინოშვილი 2008 წლის 30 ნოემბერს დაიჭირეს. ამჯერად ჰეროინის შეძენის ფაქტზე. ის 260–ე მუხლის მეორე ნაწილით გაასამართლეს და ორთვიანი წინასწარი პატიმრობა შეუფარდეს. ის სასჯელს გლდანში, მე–8 საპყრობილეში იხდის.

ოჯახის წევრებმა მიმინოშვილის დაკავების შესახებ შემთხვევით, ტაქსის მძღოლისგან შეიტყვეს.

იამზე მიმინოშვილი, დაკავებულის და: ,,არ გვიშვებდნენ, იმასაც არ გვეუბნებოდნენ, ცოცხალი იყო თუ მკვდარი. წამალიც არ შეგვატანინეს“.

ციხის პირობებში მიმინოშვილის სამედიცინო დახმარება შეუძლებელია. ამიტომ „კონსტიტუციის 42–ე მუხლმა“ სასჯელაღსრულების დეპარტამენტს 2 დეკემბერს წერილობით მიმართა და სთხოვა, რომ პატიმარი დაუყონებლივ სამკურნალო დაწესებულებაში გადაიყვნონ.
„სათანადო მეთვალყურეობის არარსებობა შეიძლება გახდეს ევროპის ადამიანის უფლებათა კონვენციის მე-3 მუხლის საწინააღმდეგო მოპყრობის საფუძველი,“–წერია განცხადებაში.  

სასჯელაღსრულების დეპარტამენტიდან ორგანიზაციას პასუხი დღემდე არ მოსვლია, მიუხადავად იმისა, რომ  პასუხის გასაცემად კანონით დადგენილი ვადა უკვე ამოიწურა.

სასჯელაღსრულების დეპარტამენტის პრესსამსახურში განაცხადეს, რომ პატიმარი ამჟამად კარდიოლოგის და მორიგე ექიმის მეთვალყურეობის ქვეშ იმყოფება და რომ მისი  სამკურნალო დაწესებულებაში გადაყვანა მხოლოდ  შესაბამისი სასამართლო–სამედიცინო დასკვნის შემდეგ იქნება შესაძლებელი.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ახალი კორონავირუსის გავრცელების გამო დაკარგეთ თუ არა სამსახური?
დიახ არა

ბლოგი

ძალადობის მსხვერპლი ქალები
ასაკის მატებას ერთი უპრატესობა აქვს, მრავალწლიან გამოცდილებასთან ერთად საზოგადოებრივი ცნობიერების ცვლილების უშუალო მონაწილე ხდები. ეს ცვლილებები შემდეგ უკვე საკანონმდებლო ცვლილებებში აისახება. დრო ცვლის
ვრცლად...
ქალ პატიმართა მოლოდინები
სექსუალური უმცირესობები საქართველოს ციხეებში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC