19:27, Monday, 30.03.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

სადახლოს მოსახლეობა „საზღვრისპირა სავაჭრო ცენტრის“ გახსნას ითხოვს

23.04.2009

ნონა სალაღაია

საქართველო-სომხეთის საზღვარის მიმდებარე ტერიტორიაზე არსებული სავაჭრო ბაზრობის დახურვამ  5000.მდე ადამიანს შემოსავლის წყარო მოუსპო. დღეს ისინი ამ სადახლოს ბაზრის აღდგენას საჯაროდ მოითხოვენ, რადგან წლების მანძილზე, შესაბამის ინსტანციებში წერილობითმა თხოვნამ, შედეგი ვერ გამოიღო. მოსახლეობას ამ წერილების საპასუხო ბარათი უკან ჯერ არ დაბრუნებია. მათ თხოვნით მიმართეს საქართველოს პრეზიდენტს, ნინო ბურჯანაძეს (როცა ის ხელისუფლების სათავეში იმყოფებოდა) და სხვა კომპეტენტურ პირებს, მოთხოვნა არ დაკმაყოფილდა. ბაზრის დახურვის მიზეზად, საზღვრის ტერიტორიაზე, სომხეთსა და საქართველოს მოქალაქეებს შორის, კონტრაბანდული საქონლის გაცვლა სახელდება.

საქართველოს აზერბაიჯანის კონგრესის თავჯდომარე, ალი ბაბაევის თქმით: „ საქართველოს ხელისუფლებას არ აღმოაჩნდა უნარი, შესაბამისად გაეკონტროლებინა საზღვრის ტერიტორია და აღეკვეთა კონტრაბანდის ფაქტები. ჩემთვის გაუგებარია, მაშინ რისთვის ჭირდება მთავრობას ამდენი სასაზღვრო დაცვის თანამშრომელი, თუ ისინი შესაბამის ღონისძიების გატარებას ვერ შესძლებდნენ და უკანონობას ვერ აღკვეთავდნენ. აღადგინონ ბაზარი და გააკონტროლონ საზღვარი, მათ ამის უნარი შესწევთ. თუმცა ისიც უნდა აღინიშნოს, რომ ბაზრის არარსებობას, კონტრაბანდის პრობლემა არ მოუხსნია. უკანონო საქონლის გაცვლა დღესაც ხდება ბაზრის გვერდის ავლით."

მიუხედავად მრავალგზის მოთხოვნისა და საპროტესტო აქციების მოწყობის, მოსახლეობის მოთხოვნა არ დაკმაყოფილებულა და სავაჭრო ცენტრი დღემდე დაკეტილი რჩება.  სადახლოს მოსახლეობის მოთხოვნაა, დაუყოვნებლივ აღდგეს სავაჭრო ცენტრი, წინააღმდეგ შემთხვევაში, ისინი იძულებულნი გახდებიან, რომ პროტესტის უფრო მკაცრ ფორმებს მიმართონ. მოთხოვნილების არდაკმაყოფილების შემთხვევაში, უსახსროდ დარჩენილი მოსახლეობა, საქართველოში მიმდინარე საპროტესტო აქციებს შეურთდება.
„სასაზღვრო ტერიტორიასთან მცხოვრები მოსახლეობის რაოდენობა, ოფიციალურად 18 000 შეადგენს, ბაზრის დახურვის შემდეგ მათი უმეტესობამ საქართველოს ტერიტორია დატოვა და საზღვარგარეთ გაემგზავრა სამუშაოდ. დღეს იქ მხოლოდ 4 000მდე ადამიანი ცხოვრობს. მათ უმეტესობას არ გააჩნია  არანაირი შემოსავლის წყარო და სიღატაკის ზღვარზე იმყოფებიან. ადამიანები, რომლებსაც ბანკებიდან სესხი ჰქონდათ გამოტანილი, გადახდის უუნაროები გახდნენ, რის გამოც მათი ქონების კონფისკაცია მოხდა. ხელისუფლება არც იმისთვის ზრუნავს, რომ მათი ყოფითი პირობები გააუმჯობესოს. ბაზარი დაიხურა, მაგრამ მის სანაცვლოდ არავის შეუთავაზებია ამ ხალხისთვის დასაქმების ალტერნატივა.“-აცხადებს ალი ბაბაევი.

საზღვრისპირა სავაჭრო ცენტრმა“ ფუნქციონირება 2005წელს შეწყვიტა. ეს ბაზარი  1995 წლიდან საარსებო წყაროს წარმოადგენდა არა მარტო მარნეულის რაიონის მცხოვრებთათვის, არამედ აფხაზეთსა და ოსეთიდან ლტოლვილი მოსახლეობის ნაწილისთვისაც, რომლებიც აქ ჩამოტანილი ციტრუსისა და ვაშლის რეალიზებას ახდენდნენ.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

შშმ მსჯავრდებულთა უფლებები პენიტენციურ დაწესებულებაში
შვიდი წელია არასამთავრობო ორგანიზაცია ადამიანის უფლებათა ცენტრში ვმუშაობ და ამდენივე წელია, რაც პენიტენციურ დაწესებულებაში მყოფ მსჯავრდებულთა უფლებრივ მდგომარეობას ვსწავლობ.
ვრცლად...
გორაშვილი vs ნაჭყებია
სიკვდილით სავსე ქალაქი
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC