20:04, Monday, 16.09.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ძალოვნებმა დაკავებულთა დედების განცხადებაც კი არ ჩაიბარეს

22.06.2009
დღეს თბილისის პოლიციის მთავარ სამმართველოსთან დაკავებული ახალგაზრდების დედებმა აქცია გამართეს. მათ აქციის მსვლელობის დროს მიიღეს გადაწყვეტილება შსს დროებითი მოთავსების #2 იზოლატორის უფროსის ვალერი კაკაურიძის სახელზე განცხადება დაეწერათ. ბრალდებულთა დედები შვილების ჯანმრთელობის მდგომარეობის შესახებ საუბრობდნენ და მათ საავადმყოფოში გადაყვანას ითხოვდნენ. ყველაზე მეტად აქციაში მონაწილე მანდილოსნები შეშფოთებული იყვნენ იმით, რომ სამართალდამცავები მათ შვილების ჯანმრთელობის მდგომარეობის შესახებ ინფორმაციის გადამოწმების საშუალებას არ აძლევენ.

თუმცა მათი განცხადება შინაგან საქმეთა პოლიციის მთავარი სამმართველოს კანცელარიაში არ ჩაიბარეს. „იმ მოტივით, რომ კაკაურიძის სახელზე დაწერილი  განცხადება არ იყო ფოსტით გაგზავნილი, კანცელარიამ უარი თქვა მის მიღებაზე“ - უთხრა ჟურნალისტებს „ალიანსი საქართველოსთვის“ წარმომადგენელმა სოფიო ხორგუანმა. მისი განმარტებით „ყველა ადმინისტრაციული ორგანო ვალდებულია განცხადება ჩაიბაროს.“

ხორგუანი ამბობს, რომ განცხადებას მართლაც გააგზავნიან ფოსტით სამმართველოში და სახალხო დამცველსაც მიმართავენ დახმარებისთვის, რათა „მოხდეს ამ საკითხის შესწავლა და ყველა ის პირი დაისაჯოს, ვინც უარი თქვა განცხადების ჩაბარებაზე. დღეს ამ განცხადებაზე მხოლოდ 24 დედის ხელმოწერა იყო. სანამ მას ფოსტით გავაგზავნით ხელმოწერები ბევრად მერი იქნება“ - თქვა მან.

აქცია რამოდენიმე საათში ისე დასრულდა, რომ სახალხო დამცველისა და ადვოკატების თხოვნის მიუხედავად არ მოხდა ახალგაზრდების საავადმყოფოში გადაყვანა.

„ქართველი დედები აქ იმიტომ მოვიდნე, რომ არ ეძლევათ დაკავებული შვილების მკურნალობის შესაძლებლობა. არ შეიძლება ახალგაზრდებს ასეთი მეთოდებით უსწორდებოდე და იგნორირებას უკეთებდე მათი ჯანმრთელობის მდგომარეობას“ - აღნიშნა „ალიანსი საქართველოსთვის“ წარმომადგენელმა მანანა ნაჭყებიამ.

მან ჟურნალისტებთან საუბარში ასევე განაცხადა, რომ ოპოზიციური პარტიები  საერთაშორისო ორგანიზაციებისთვის გადასაცემად ამზადებენ დოკუმენტს, რომელშიც ნათლად იქნება ასახული თუ როგორი ზიანი მიადგა დარბევა-დაპატიმრების შედეგა ახალგაზრდების ჯანმრთელობას. მისივე ინფორმაციით ამ დოკუმენტს თან დაერთვება ვიდეომასალაც, რომელიც ამ ორგანიზაციებს სრულ წარმოდგენას შეუქმნის დაკავებულების უფლებების დარღვევაზე.

მომზადებულია „ინტერპრესნიუსის“ მასალებზე დაყრდნობით

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC