15:21, Friday, 29.05.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

რა აარჩია შიდა ქართლის ვიცე-გუბერნატორმა ჩინჩილაკაშვილმა ქიბარ ხალვაშის ქონებიდან...

27.10.2009
საბა წიწიკაშვილი, გორი

„ადამიანის უფლებათა ცენტრმა“ გაარკვია, თუ რის ასარჩევად იმყოფებოდა შიდა ქართლის ვიცე-გუბერნატორი ზურაბ ჩინჩილაკაშვილი ბიზნესმენ ქიბარ ხალვაშის ყოფილი ქონების განაწილების დროს „პრიზასა“ და „არტის“ ტერიტორიაზე. ფოტოზე, რომელსაც გთავაზობთ ჩინჩილაკაშვილი ადგილობრივი კომპანია „არქსტუდიო 2000“-იზ დირექტორ ალიკა მაკრახიძესთან ერთად იმ ჯიპში ზის, რომელიც ხალვაშის ნათესავების განცხადებით ქიბარ ხალვაშის მეუღლეს ეკუთვნოდა.

ჩვენ დავუკავშირდით ალიკა მაკრახიძეს, რომელმაც განაცხადა, რომ ისინი მართლაც იმყოფებოდნენ „პრიზასა“ და „არტის“ ტერიტორიაზე.

„მე უბრალოდ ბატონ ზურას გავყევი აღნიშნულ ტერიტორიაზე, იმიტომ რომ მას  სახელმწიფოსთვის გადაცემული ქონებიდან გარკვეული ტექნიკის შიდა ქართლში წაღება შესთავაზეს. ჩემი იქ ყოფნის დროს ის მანქანები, რომელიც შემოგვთავაზეს, არ მოგვეწონა და წამოვედით. მეორე ჩასვლაზე წამოვიყვანეთ ხუთი ცალი „07“ მარკის მანქანა და ერთი დიდი მანქანა ე. წ. მიქსერი (ცემენტის ამრევი). დღეს ეს მანქანები კეთილმოწყობის სამსახურის ეზოში დგას. პატარა მანქანები კი გადანაწილდება შიდა ქართლის დანარჩენი რაიონების - ხაშური, ქარელის და კასპის გამგეობებზე. რაც შეეხება იმ ჯიპს, რომელშიც მე და ბატონი ზურა ჩინჩილაკაშვილი ვსხედვართ, ზურას მანქანაა“, - გვითხრა ალიკა მაკრახიძემ.

ალიკა მაკრახიძეს ისიც ვკითხეთ, როგორც ადგილობრივი ხელისუფლების ფავორიტი სამშენებლო კომპანიის წარმომადგენელს, მასაც ხომ არ გადასცეს ე. წ. სამშენებლო მანქანები, თუმცა ალიკა მაკრახიძემ ამასთან დაკავშირებით კატეგორიული უარი განაცხადა.

გერმანიაში მყოფი ბიზნესმენი ქიბარ ხალვაში აცხადებს, რომ მისი კუთვნილი კომპანიების „პრიზასა“ და „არტის“ ქონებას სამეგრელოსა და იმერეთის რწმუნებულები ზაზა გოროზია და მიხეილ ჩოგოვაძე, შიდა ქართლის გუბერნატორის მოადგილე ჩინჩილაკაშვილი, მცხეთა-თიანეთის გამგებელი, მცხეთის გუბერნატორის მოადგილე, ფოთის მერი, იმერეთის სამაშველო სამსახურის უფროსი, კახეთის გებერნატორის მოადგილე, ასევე ახალაიები, ინაწილებენ. ხოლო „ექსპროპრიაციის“ უკან იუსტიციის მინისტრს მოიაზრებს.

„ამ ადამიანებმა დაინაწილეს და სანახევაროდ უკვე გაიყვანეს „პრიზას“ კუთვნილი მანქანები“, - უთხრა ცენტრალურ გაზეთ „რეზონანსს“ ბიზნესმენის დისშვილმა, ნიკა ხალვაშმა. თავად ქიბარ ხალვაში დარწმუნებულია, რომ უკანონოდ ჩამორთმულ ქონებას დაიბრუნებს.

ქიბარ ხალვაშის ადვოკატმა დიმიტრი გაბუნიამ ყველა ის მასალა წარმოადგინა, რომელიც ჩინოვნიკების მხრიდან კომპანია „არტის“ და „პრიზას“ ქონების განაწილებას ადასტურებს.

შიდა ქართლის ვიცე-გუბერნატორი ზურაბ ჩინჩილაკაშვილი სტუდია „GNS“-ისთვის მიცემულ ინტერვიუში განაცხადა, რომ იგი მეგობრის სანახავად მივიდა დალუქულ ტერიტორიაზე, ხოლო მანქანა, რომელშიც ის გორში მოქმედი კომპანია „არქსტუდიო 2000“-ის მფლობელთან ალიკა მახრაკიძესთან ერთად იჯდა, სამსახურებრივია.

როგორც უკვე აღვნიშნეთ, ბიზნესმენ ქიბარ ხალვაშის დისშვილი ნიკა ხალვაშის განცხადებით, ჯიპი, რომელიც ზურაბ ჩინჩილაკაშვილმა აარჩია, ქიბარ ხალვაშის მეუღლის საკუთრება იყო.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

სექსუალური უმცირესობები საქართველოს ციხეებში
ბლოგი შექმნილია ევროკავშირის მიერ დაფინანსებული პროექტის „სასჯელაღსრულებისა და პრობაციის რეფორმების ხელშეწყობა და მონიტორინგი სამოქალაქო საზოგადოების ჩართულობით“ ფარგლებში, რომელსაც ახორციელებს ორგანიზაცია „ციხის საერთაშორისო რეფორმა“
ვრცლად...
უჩინარი მტერი
აპოკალიფსი არ იქნება
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC