20:33, Saturday, 30.05.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

საპრეზიდენტო არჩევნებამდე მასწავლებლები და ექიმები „აფხაზურ პასპორტებს“ აიღებენ

30.10.2009
გერონტი ყალიჩავა, ზუგდიდი

საქართველოს ხელისუფლების მიერ არაკონტროლირებად ტერიტორიაზე ანუ ოკუპირებულ გალის რაიონში მომუშავე მასწავლებლებსა და ექიმებს აფხაზეთის დე ფაქტო ხელისუფლების დავალებით „აფხაზური პასპორტის“ აღებას აიძულებენ. ამის შესახებ „ადამიანის უფლებათა ცენტრს“ გალის რაიონის სოფელ თაგილონის საშუალო სკოლის მასწავლებელმა აცნობა. როგორც რესპოდენტი იტყობინება, მასწავლებლებს „აფხაზური პასპორტის“ ასაღებად ვადა ნოემბრამდე მისცეს. მანამდე კი მათ სხვადასხვა დოკუმენტები უნდა მოამზადონ. პასპორტის ღირებულება 300 რუსულ რუბლს შეადგენს. გარდა ამისა მასწავლებლებმა ნოტარიუსს საბუთების დამტკიცებისთვის 150 რუსული რუბლი უნდა გადაიხადონ.
 
ასეთივე მდგომარეობაში არიან გალის რაიონში მომუშავე ექიმებიც. მათაც, როგორც მასწავლებლებს „აფხაზური პასპორტის“ იძულებით მისაღებად ვადა ნოემბრამდე გაუხანგრძლივეს და უთხრეს, რომ თუ ისინი ამ დოკუმეტს არ აიღებენ სამუშაო ადგილებს და აფხაზეთში ცხოვრების უფლებას დაკარგავენ. „ადამიანის უფლებათა ცენტრთან“ საუბარში სოფელ ოტობაიას საავადმყოფოს ექიმმა განაცხადა, რომ „აფხაზური პასპორტი“ დე ფაქტო რესპუბლიკის საპრეზიდენტო არჩევნებამდე უნდა აიღონ. რესპოდენტი, რომელმაც ვინაობის გამხელაზე უარი გვითხრა, გვიყვება, რომ წინასაარჩევნოდ ოკუპირებულ სოფლებში ვითარება შეიცვალა და შესაძლოა მოსახლეობასაც იძულებით ააღებინონ „აფხაზური პასპორტი“.

ჩვენი მორიგი რესპოდენტი, რომელსაც ორმაგი მოქალაქეობა აქვს ამბობს (რუსეთის მოქალაქეა), რომ მისთვის აფხაზური პასპორტის თაობაზე არავის არაფერი უთქვამს და ეს დოკუმენტი არც სჭირდება. გალელი ქალბატონის თქმით მისმა შვილმა მიაკითხა გალის საპასპორტო განყოფილებას, სადაც მას პასპორტის გაცემაზე უარი უთხრეს. მიზეზად კი სხვადასხვა დოკუმენტების არქონა დაუსახელეს.
 
სამეგრელო–ზემო სვანეთში, აფხაზეთის ლეგიტიმური მთავრობის ხელმძღვანელი თორნიკე კილანავა გალის რაიონში მომუშავე მასწავლებლებისა და ექიმების მსგავსად აცხადებს, რომ აფხაზური პასპორტიზაციის პროცესი, დე ფაქტო რესპუბლიკაში მოახლოებულ საპრეზიდენტო არჩევნებს უკავშირდება. კილანავას ინფორმაციით, გალის მაცხოვრებლებს ეუბნებიან, რომ ამ დოკუმენტის გარეშე ისინი ვერ გადაკვეთენ ე. წ. საზღვარს და ვერ მიიღებენ ხელფასებს. კილანავას განცხადებით, მოსახლეობა იძულებული გახდება „აფხაზური პასპორტი“ აიღოს.

ცნობისათვის: ოკუპირებულ აფხაზეთში საპრეზიდენტო არჩევნები 12 დეკემბრისთვისაა დაგეგმილი. „აფხაზური პასპორტის“ აღებას კი გალის რაიონში მოქმედი დე ფაქტო პრეზიდენტის სერგეი ბაღაფშის დავალებით აიძულებენ, რადგან კილანავას თქმით ბაღაფს კვლავ გალელი მოსახლეობის ხმების იმედი აქვს პრეზიდენტად მეორედ არჩევისთვის.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მომზადებული შეხვდა თუ არა ქვეყანა საგანგებო მდგომარეობის გამოცხადებას?
დიახ არა ნაწილობრივ

ბლოგი

სექსუალური უმცირესობები საქართველოს ციხეებში
ბლოგი შექმნილია ევროკავშირის მიერ დაფინანსებული პროექტის „სასჯელაღსრულებისა და პრობაციის რეფორმების ხელშეწყობა და მონიტორინგი სამოქალაქო საზოგადოების ჩართულობით“ ფარგლებში, რომელსაც ახორციელებს ორგანიზაცია „ციხის საერთაშორისო რეფორმა“
ვრცლად...
უჩინარი მტერი
აპოკალიფსი არ იქნება
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC