22:48, Friday, 03.07.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ვახო კომახიძე: ,,ქართველი მოზარდების საკანში ასატანი პირობები იყო“

23.12.2009
ანა შეშაბერიძე

სტუდია ,,რეპორტიორის“ ჟურნალისტის, ვახო კომახიძის ინფორმაციით, ცხინვალში დაპატიმრებული ტირძნისელი არასრულწლოვნები ციხეში ნორმალურ პირობებში იყვნენ.

,,როგორც ბავშვებმა გვითხრეს, მათ საკანში ასატანი პირობები იყო. ზოგადად კი ცხინვალში მშვიდობიანი მოქალაქეებიც კი არ არიან კარგ პირობებში“, - განაცხადა ჟურნალისტმა. მისივე თქმით, ცხინვალში ომით გამოწვეული ნგრევის ხარისხი ძალიან მაღალია, თუმცა მშენებლობა მიმდინარეობს.

16 დეკემბერს, ვახტანგ კომახიძე, არასამთავრობო ორგანიზაცია ,,ომის ინვალიდთა და დაღუპული მებრძოლების მეუღლეთა კავშირის“ თავმჯდომარე მანანა მებუკე და კონფლიქტოლოგი, რესპუბლიკური პარტიის წევრი პაატა ზაქარეიშვილი ცხინვალში ოსი სეპარატისტების ლიდერის, ედუარდ კოკოითის მიწვევით იმყოფებოდნენ.

ისინი ცხინვალში გატაცებული მოზარდების მოსანახულებლად ჩავიდნენ და რამდენიმე შეხვედრაც გამართეს, როგორც ოს უფლებადამცველებთან, ასევე დაღუპულ და დაკარგულ ადამიანთა ოჯახის წევრებთან.

,,დაღუპულთა ოჯახის წევრების ინტერესი იყო, ქართულ მხარეს შეესრულებინა პირობა, რომელიც, პრინციპით ,,ყველა - ყველაზე“ ტყვეთა გაცვლას ითვალისწინებდა. ასევე დაკარგულთა ოჯახები ითხოვენ მათი ნათესავების ადგილსამყოფელის დადგენას, რომელნიც ქართულ მხარეს ყავს და ასევე დაღუპულთა ცხედრების გადაცემას“, - აცხადებს ვახო კომახიძე.

ჟურნალისტი რუსეთ-საქართველოს ომის თემაზე, ცხინვალში არსებულ მდგომარეობასა და იქ მყოფი ქართველი ტყვეების შესახებ ფილმს იღებს. მისი თქმით, ამ ფილმზეა დამოკიდებული, როგორ გაგრძელდება უერთიერთობა ოს უფლებადამცველებთან.

,,მე და პაატა ზაქარეიშვილი ჩვენი საქმიანობით მათ ურთიერთობის შეწყვეტის საფუძველს არ მივცემთ“, - ამბობს ჟურნალისტი და დასძენს, რომ ფილმის დროული დასრულება მასალების მოპოვებაზეა დამოკიდებული.


Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

ძალადობის მსხვერპლი ქალები
ასაკის მატებას ერთი უპრატესობა აქვს, მრავალწლიან გამოცდილებასთან ერთად საზოგადოებრივი ცნობიერების ცვლილების უშუალო მონაწილე ხდები. ეს ცვლილებები შემდეგ უკვე საკანონმდებლო ცვლილებებში აისახება. დრო ცვლის
ვრცლად...
ქალ პატიმართა მოლოდინები
სექსუალური უმცირესობები საქართველოს ციხეებში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC