19:00, Thursday, 18.07.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

„საერთაშორისო გამჭვირვალობა – საქართველო“ დაბეჯითებით სთხოვს მერიას თავისი საქმიანობა უფრო გამჭვირვალე გახადოს

19.03.2010
 თბილისის მერია არ ცდილობს, საზოგადოებისთვის თავისუფლად ხელმისაწვდომი გახადოს ინფორმაცია ადმინისტრაციულ ხარჯებზე, პროექტების განხორციელებისას გახარჯულ თანხებზე და კონტრაქტებზე, რომლებიც მერიამ სხვადახვა დაქირავებულ კომპანიებთან გააფორმა. თუმცა, მერი გიგი უგულავა და მისი გუნდის წევრები აცხადებდნენ, რომ ანგარიშვალდებულებისა და გამჭვირვალობის პრინციპების შესაბამისად საქმიანობდნენ. „საერთაშორისო გამჭვირვალობა – საქართველო“ დაჟინებით სთხოვს მერიას ზემოხსენებული დაპირების შესრულებას.

ორ თვეზე მეტი ხნის წინ „საერთაშორისო გამჭვირვალობა – საქართველომ“ თბილისის მერიისაგან შარტავას ქუჩაზე მდებარე მერიის ახალი შენობის შეკეთებისას გაწეული ხარჯების შესახებ საჯარო ინფორმაცია ოფიციალურად გამოითხოვა. „საერთაშორისო გაჭვირვალობა – საქართველომ“ ვერ მიიღო პასუხი მერიისგან, მიუხედავად იმისა, რომ მომდევნო ორი თვის განმავლობაში ტელეფონით და ელექტრონული ფოსტით მრავალჯერ დაუკავშირდა მერიის ადმინისტრაციას. მოცემული შემთხვევა საქართველოს ადმინისტრაციული კოდექსის პირდაპირი დარღვევაა, რომლის მიხედვითაც, საქართველოს ყველა მოქალაქეს აქვს უფლება, მიიღოს საჯარო ინფორმაცია.

ზემოთხსენებული შემთხვევა არ არის თბილისის მერიის მიერ საჯარო ინფორმაციის დაფარვის პირველი ფაქტი. მერიის ადმინისტრაციას „საერთაშორისო გამჭვირვალობა – საქართველოს“ სხვა მოთხოვნებიც უპასუხოდ დაუტოვებია. ცოტა ხნის წინ „საერთაშორისო გამჭვირვალობა – საქართველოს“ თხოვნაზე, მიეწოდებინათ ორგანიზაციისთვის იმ კომპანიების სია, რომლებიც ახორციელებენ საგაზეთო ჯიხურების მენეჯმენტს თბილისში (დაუზუსტებელი ინფორმაციით, ამ ჯიხურების მენეჯმენტს კომპანია White Distribution ახდენს), ასევე უპასუხოდ დარჩა მერიისგან. „საერთაშორისო გამჭვირვალობა – საქართველო“ არ არის ერთადერთი მეთვალყურე ორგანიზაცია, რომლის თხოვნასაც საჯარო ინფორმაციის მიწოდების შესახებ თბილისის მერია იგნორირებას უწევს. სხვა ორგანიზაციებსა და დამოუკიდებელი მედიის წარმომადგენლებსაც გამოუთქვამთ უკმაყოფილება, როცა მერიისაგან ინფორმაციას ითხოვდნენ.

„საერთაშორისო გამჭვირვალობა – საქართველო“ ინფორმაციას მერიის ახალი შენობის რეკონსტრუქციის ხარჯებთან დაკავშირებით ითხოვდა ორგანიზაციის ერთ–ერთი პროექტის ფარგლებში. მოცემული პროექტი ითვალისწინებს მერიის შენობის შეკეთებისას გაღებული ყველა ხარჯისა და დადებული კონტრაქტის გასაჯაროებას, რაც საშუალებას მისცემდა საქართველოს მოქალაქეებს, ისევე, როგორც მეთვალყურე ორგანიზაციებსა და მედიას, გაეანალიზებინათ როგორ იხარჯება მათი, როგორც გადასახადის გადამხდელთა თანხები. მოცემული პროექტი ფინანსდება ორგანიზაციების Oxfam-Novib-ის და „ბრიტანულ-ქართული პროფესიული ქსელის“ მიერ. პროექტის განხორციელება „საერთაშორისო გამჭვირვალობა – საქართველომ“ იმის გამო გადაწყვიტა, რომ არსებობდა დიდი მითქმა-მოთქმა მერიის შენობის რეკონსტრუქციასთან დაკავშირებით საჯარო ფინანსების არამიზნობრივ გამოყენებასთან დაკავშირებით. ამ ეჭვებს კიდევ უფრო ამძაფრებს საჯარო ფინანსების ხარჯვასთან დაკავშირებული მწირი ინფორმაცია.


Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

სიკვდილით სავსე ქალაქი
ჩაიცვით საუკეთესო ტანსაცმელი. კარგად დახედეთ ბავშვებს და ჩაეხუტეთ. მოიკითხეთ დედა. დაურეკეთ მეგობრებს. გადახედეთ სახლის საბუთებს, ხომ წესრიგშია. თქვენ მალე მოკვდებით. თქვენ მოკვდებით ავარიაში.
ვრცლად...
უგზო-უკვლოდ დაკარგულები - „არ დამივიწყო!“
კუდები გვაკვირვებს
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC