ბათუმში კიდევ ერთი ჟურნალისტი სცემეს
ბათუმში, უშიშროების სამინისტროს მიმდებარე კორპუსში, საკუთარ აივანზე ჯელალი ქიქავას მიერ ნაციონალური მოძრაობის დროშის აღმართვას არ ჩაუვლია ინციდენტის გარეშე.
ასლან აბაშიძის სპეცნაზმა დაიწყო დროშის ჩამოხსნა, რისი დაფიქსირებაც ვიდეოკამერით ტელეკომპანია "იმედის" ჟურნალისტებმა სცადეს.
ტელეკომპანიის ოპერატორი დავით გოგიტაური სასტიკად იქნა ნაცემი სპეცნაზის მიერ. მას ასევე წაართვეს ვიდეოკამერა და არ მისცეს ხუთჯვრიანი დროშის გადაღების საშუალება.
ტელეკომპანია "იმედმა" გააკეთა განცხადება, სადაც გამოთქვამს პროტესტს კომპანიის ჟურნალისტზე განხორციელებული თავდასხმის შესახებ.