გატაცებული დავით ბაძაღუას ადგილსამყოფელი უცნობია
2004 წლის 21-23 იანვარს არასამთავრობო ორგანიზაციებმა „საქართველოს ახალგაზრდა პოლიტოლოგთა და ჟურნალისტთა ასოციაციამ“ და „აფხაზ და ქართველ ხელოვანთა კავშირმა“ ერთობლივი პროექტი განახორციელეს. პროექტი აფხაზეთის ტერიტორიაზე, კერძოდ კი გალში მცხოვრები ქართველი ბავშვების კულტურულ რეაბილიტაციას ითვალისწინებდა. დედაქალაქში ჩამოსულმა ორმოცდაათმა ბავშვმა სხვადასხვა კულტურულ-შემეცნებით ღონისძიებაში მიიღო მონაწილეობა.
პროექტის ორგანიზატორი, ერთ-ერთი არასამთავრობო ორგანიზაციის ხელმძღვანელი, 32 წლის დავით ბაძაღუა ზუგდიდიდან მას შემდეგ გაიტაცეს, როცა მან ბავშვები გალში გადაიყვანა, დააბინავა და 27 იანვარს თბილისში ბრუნდებოდა.
სახალხო დამცველის ოფისში გუშინ ახალგაზრდული არასამთავრობო ორგანიზაციების ერთობლივი პრესკონფერენცია გაიმართა. შეკრებილებმა განცხადებით მიმართეს საქართველოს მთავრობას, რუსეთის სამშვიდობო ძალებს, გაეროს დამკვირვებელთა მისიას და მათ სასწრაფო რეაგირება მოსთხოვეს ახალგაზრდა ხელოვანის გატაცების ფაქტზე.
ბაძაღუას გატაცების ფაქტის გამო, აფხაზეთიდან დევნილმა სხვადასხვა არასამთავრობო ორგანიზაციების ლიდერებმა ადამიანის უფლებათა დაცვის შტაბი შექმნეს.
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
