არასამთავრობოები აჭარაში ვადამდელი არჩევნების ჩატარებას ითხოვენ
აჭარის ავტონომიური რესპუბლიკის პარლამენტის დათხოვნის და 28 მარტს ვადამდელი არჩევნების ჩატარების მოთხოვნით, რეგიონში მოქმედი არასამთავრობო ორგანიზაციათა მოძრაობის „ნათელი მომავლისათვის“ ინიციატივით ხელმოწერების შეგროვება დაიწყო.
„ნათელი მომავლისათვის“ ერთ-ერთი წარმომადგენლის პეტრე ზამბახიძის განცხადებით, არასამთავრობო ორგანიზაციები აჭარის ავტონომიური რესპუბლიკის საკანონმდებლო ორგანოს ვადამდელი არჩევნების დანიშვნასთან ერთად, რეგიონში მოქმედი საგანგებო მდგომარეობის გაუქმებასაც ითხოვენ. ამ მოთხოვნებთან დაკავშირებით 3 ათასამდე ხელმოწერა უკვე შეგროვებულია.
იმ შემთხვევაში, თუ არასამთავრობო ორგანიზაციები შეძლებენ 50 ათასი ხელმოწერის შეგროვებას, ისინი აჭარის პარლამენტში საკანონმდებლო ინიციატივით შევლენ და მოითხოვენ 2001 წლის 7 ივნისს მიღებული საკონსტიტუციო ცვლილებების გაუქმებას, რის საფუძველზეც აჭარის მეთაურის პოსტი შეიქმნა. არასამთავრობო ორგანიზაციები ამ თანამდებობის შემოღებას უკანონოდ მიიჩნევენ.
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
