დაკავებულ აჭარელ სტუდენტებს ბრალი წაუყენეს
დღეს ჩახვაძეს და მიქელაძეს პროკურატურამ ბრალი წაუყენა იარაღის უკანონო ტარებისათვის.
საპარლამენტო ფრაქცია „აღორძინების“ წევრმა გოჩა პაიჭაძემ კატეგორიულად მოითხოვა პარლამენტში შს მინისტრის ან გენპროკურორის მისვლა, რათა მათ პასუხი გასცენ აჭარიდან ჩამოსული ორი ახალგაზრდის უკანონო დაკავების გამო გაჩენილ უამრავ შეკითხვას. პარლამენტარის თქმით, ახალგაზრდების დაკავების ფაქტით ირღვევა ადამიანის უფლებები, რადგან ხელოვნურად ქმნიან სირთულეებს და გაუგებარია, რომელი უწყება აგებს პასუხს ჩადენილ დანაშაულზე.
შეგახსენებთ, რომ თბილისის ვაკე–საბურთალოს პოლიციამ ბათუმელი სტუდენტები მერაბ მიქელაძე და ლაშა ჩახვაძე გუშინ იარაღის უკანონო ტარებისთვის დააკავა. მათი ადგილსამყოფელი თითქმის ექვსი საათის განმავლობაში გაურკვეველი იყო.
დაკავებულებს ბრალი დღეს წაუყენეს იარაღის უკანონო ტარებისთვის, თუმცა, როგორც ჩახვაძის ადვოკატი აცხდებს, დაკავებულები თავს დამნაშავეებად არ სცნობენ. ბათუმელი სტუდენტების ბედი ხვალ გადაწყდება. თუ სასამართლო სცნობს აღნიშნულ ბრალდებას, მათ სამთვიანი წინასწარი პატიმრობა შეეფარდებათ, ხოლო თუ კი ბრალდება დამტკიცდა ბრალდებულებს 4 დან 8 წლამდე თავისუფლების აღკვეთა ემუქრებათ.
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
