აჭარაში პოლიტპატიმრების რიცხვი თანდათან იზრდება
ოპოზიციური გაერთიანება „ჩვენი აჭარის“ წარმომადგენელი ოთარ ზოიძე, რომელიც ახალსოფელის №37 საუბნო კომისიის წევრია, აჭარის ხელისუფლებამ დააკავა 2004 წლის 5 მარტს. დაკავების მიზეზი გახდა 1998 წელს ნერვიულობის ნიადაგზე ჩადენილი მსუბუქი დანაშაული – ფანჯრების ჩამსხვრევა.
ოპოზიციურ ძალთა წარმომადგენლების განცხადებით იგი უკანონო პატიმრობაში იმყოფება, დაკავების ზემოთ აღნიშნული საფუძველი ყოვლად გაუმართლებელია და პირდაპირ მიუთითებს მის პოლიტიკურ ხასიათზე.
საინტერესოა თუ რატომ დააკავა ოთარ ზოიძე აჭარის ხელისუფლებამ 6 წლის დაგვიანებით და ეს ხომ არ ემთხვევა აჭარის ხელისუფლების ოპოზიციური ძალების გააქტიურებას?!
უახლესი ინფორმაციის თანახმად, ბათუმში დააკავეს "ჩვენი აჭარის" სამი აქტივისტი, რომლებიც აჭარის ავტონომიური რესპუბლიკის ლიდერის, ასლან აბაშიძის წინააღმდეგ მიმართულ პროკლამაციებს ავრცელებდნენ.
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
