სამაუწყებლო კომპანია „ჰერეთი“ გაძარცვეს
16 მაისს კახეთში მოქმედი სამაუწყებლო კომპანია „ჰერეთი“–ს ოფისი გაძარცვეს, მოპარულია ტექნიკა და კომპიუტერები. მომხდარის გამო ტელეკომპანია „ჰერეთი“–ს მაუწყებლობა დროებით შეჩერებულია. აღსანიშნავია, რომ ოფისიდან სხვა უფრო ძვირად ღირებული ტექნიკა მოპარული არ არის. როგორც სამაუწყებლო კომპანიის ხელმძღვანელობა აცხადებს, ძარცვა სავარაუდოდ კომპანიის პარალიზების მიზნით მოხდა, რადგან ხელუხლებელია ყველა სხვა დანარჩენი ძვირადღირებული ქონება.