შს სამინისტროს 21 თანამშრომელი სამსახურიდან გაათავისუფლეს
30 მაისს შს მინისტრის მოადგილემ ირაკლი კლდიაშვილმა პრესკონფერენცია გამართა, რომელიც ბათუმში პოლიციის თანამშრომელთა მიერ დაკავებულთა ცემის ფაქტს ეხებოდა (იხ. სტატია 28.05.2004 „ბათუმელ პოლიციელებს პატიმრობა ელით“).
იქვე აღინიშნა, რომ აჭარის შს თანამშრომლების მიმართ, ბოლო ერთი თვის განმავლობაში, ნარკოტიკების მოხმარებისა და რეალიზაციის ფაქტზე აღძრულია 21 სისხლის სამართლის საქმე, ადმინისტრაციული სასჯელი დაედო 7 პირს.
შს ორგანოებში 2004 წელს სამსახურიდან დათხოვნილია 21 თანამშრომელი და თითოეული პოლიციელის სამსახურებრივი საქმიანობა განსაკუთრებულ კონტროლზეა აყვანილი. უახლოეს მომავალში იგეგმება, პოლიციელთათვის ადამიანის უფლებების დაცვასთან დაკავშირებით სპეციალური ტრენინგების ჩატარება.
კლდიაშვილის განცხადებით, მზადდება პროექტი საზოგადოებრივი ზედამხედველობის საბჭოს შექმნაზე, რომლთა წევრებსაც წინასწარი დაკავების საკნების მონახულების უფლება ექნებათ.
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
