ერაყში სამი ქართველი სამხედრო მოსამსახურე დაიჭრა
2 ივნისს, სამი ქართველი სამხედრო მოსამსახურე დაიჭრა ერაყში, კოალიციური ძალების ვორხორზის სამხედრო ბაზაზე, სადაც საქართველოს თავდაცვის სამინისტროს მე-16 სამთო მსროლელი ბატალიონის ასეულია დისლოცირებული.
გუშინ გამართულ საგანგებო ბრიფინგზე საქართველოს თავდაცვის სამინისტროს საზოგადოებასთან ურთიერთობის სამსახურის უფროსმა ირაკლი ჩიქოვანმა განაცხადა, ვორხორზის ბაზის წინააღმდეგ ნაღმმტყორცნიდან განხორციელებული რამდენიმე გასროლით მსუბუქად დაიჭრნენ უმცროსი სერჟანტი ოთარ ბებიაშვილი, უმცროსი სერჟანტი ზურაბ ჩაჩანიძე და კაპრალი გოჩა ზურაბიანი.