საპროტესტო აქციის დარბევა კრწანისში
9 ივნისს სოფელ კრწანისში პოლიციის სპეცდანიშნულების რაზმმა დაარბია საპროტესტო აქცია და ორი ქალბატონი დააკავა, რომლებიც აღნიშნულ დემონსტრაციაში იღებდნენ მონაწილეობას.
ადგილობრივმა მოსახლეობამ საპროტესტო აქცია გამართა და მშენებარე ნავთობსადენზე სამუშაო პროცესი ჩაშალა. ისინი იმ მიწების დაკანონებას ითხოვდნენ, რომლებზეც ნავთობსადენი გადის.
აქციის მონაწილეთა დაშლის მიზნით, ადგილზე ქვემო ქართლის პოლიცია და სპეცდანიშნულების რაზმი ჩავიდა, რომელთაც ყველა ღონე იხმარეს აქციის დასაშლელად.