დავით მირცხულავას სარჩელი სტრასბურგის სასამართლოში
სტრასბურგის ადამიანის უფლებათა სასამართლომ სათბობ-ენერგეტიკის ყოფილი მინისტრის დავით მირცხულავას სარჩელი რეგისტრაციაში გაატარა სახელწოდებით - “მირცხულავა საქართველოს წინააღმდეგ“.
დავით მირცხულავა, რომელსაც რამდენიმე კვირის წინ გაუკეთეს ოპერაცია, ციხის რესპუბლიკურ საავადმყოფოში იმყოფება. იგი დამატებით საჭიროებს სამედიცინო გამოკვლევას.
მირცხულავა გასული წლის დეკემბერში დააკავეს თანამდებობრივი უფლებამოსილების გადამეტების ბრალდებით და მას სასამართლოს მიერ სამთვიანი წინასწარი პატიმრობის ვადა გენპროკურატურის შუამდგომლობის საფუძველზე 6 თვემდე აქვს გაგრძელებული.