პარლამენტში ევროკავშირის საინფორმაციო ცენტრი გაიხსნება
თბილისი. 28.07.04. მედია-ნიუსი. პარლამენტის ევროპასთან ინტეგრაციის კომიტეტის თავმჯდომარემ დავით ბაქრაძემ საქართველოში კანონის უზენაესობის სფეროში მოღვაწე ახალი მისიის ხელმძღვანელი სილვი პანთასი მიიღო.
აღნიშნულ მისიას მიენიჭა ერთწლიანი მანდატი და მისი მუშაობის მიზანია, დაეხმაროს საქართველოს ხელისუფლებას იმ გადაუდებელი ამოცანების გადაჭრაში, რომელიც სისხლის სამართლის სისტემაში არსებობს.
როგორც „მედია ნიუსთან“ საუბრისას დავით ბაქრაძემ განაცხადა, პარლამენტი მისიის მუშაობაში აქტიურად ჩაერთვება. სექტემბერში პარლამენტის იურიდიული და ევროპასთან ინტეგრაციის კომიტეტების წევრები მისიის ექსპერტებს შეხვდებიან; განიხილება მისიის მუშაობის საკითხები.
დავით ბაქრაძემ მიიღო აგრეთვე ევროკავშირის ექსპერტი ჯეფ ვუდი, რომელიც პარლამენტის დახმარების პროგრამას კურირებს. შეხვედრაზე განიხილეს პარლამენტში ევროკავშირის საინფორმაციო და პარლამენტში შესული კანონპროექტების მონიტორინგის ცენტრების გახსნის საკითხები.
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
