სეპარატისტებმა გორის რაიონის სოფელიც დაბომბეს
თბილისი.16.08-04.მედია-ნიუსი. ოსურმა შეიარაღებულმა ფორმირებებმა იერიში კონფლიქტის ზონის ქართული სოფლების შემდეგ, გორის რაიონის სოფელ ზემო ხვითზეც მიიტანეს.
ამ სოფლის მიმართულებით ცეცხლი 15 აგვისტოს გამთენიისას ცხინვალიდან გახსნეს, რის შედეგადაც ერთი მშვიდობიანი მოსახლე დაიჭრა. იგი ლავიწის ძვლის დაზიანებით საავადმყოფოშია გადაყვანილი.
აღსანიშნავია რომ სოფელი ზემო ხვითი კონფლიქტის ზონის სოფელ ნიქოზს ესაზღვრება, თუმცა კონფლიქტის ზონაში არ შედის.
ქართულ მხარეს აღნიშნულთან დაკავშირებით ჯერ კომენტარი არ გაუკეთებია.