კულტურის მინისტრს სასამართლოში უჩივიან
თბილისი.25.08.04.მედია-ნიუსი. თბილისის სახელმწიფო ქორეოგრაფიული სასწავლებლის ყოფილმა ხელმძღვანელმა თამაზ ვაშაკიძემ კულტურის მინისტრის წინააღმდეგ მთაწმინდა-კრწანისის რაიონულ სასამართლოში სარჩელი შეიტანა.
ვაშაკიძის თქმით, იგი უკანონოდ გაათავისუფლეს თანამდებობიდან და ამით მისი უფლებები შეილახა.
„შრომის კანონთა კოდექსის 34-ე მუხლში წერია, რომ ქორეოგრფიული სასაწავლებლის ხელმძღვანელს უნდა ქონდეს ქორეოგრაფიული განათლება. ეს კანონი უხეშად დაირღვა როდესაც სასაწავლებლის ახალ ხელმძღვანელად იურისტი ზვიად ბაქრაძე დაინიშნა“,- აცხადებს თამაზ ვაშაკიძე.
მისივე თქმით, კიდევ ერთი დარღვევა ის არის, რომ ბრძანება მისი განთავისუფლების შესახებ 23 აგვისტოს არის დაწერილი, ხოლო ბაქრაძე ამ თანამდებობაზე 17 აგვისტოს დაინიშნა.