შეტაკება ბათუმელ მოვაჭრეებსა და სპეცრაზმელებს შორის
დღეს დილით დაახლოებით შვიდის ნახევარზე ბათუმის ცენტრალური სუპერმარკეტის ტერიტორიაზე სპეცრაზმი გამოჩნდა და ძალის გამოყენებით შეეცადა იქიდან ხალხის გამოყვანას. შეიარაღებულ ძალოვნებს მოვაჭრეები ჯოხებით და სკამებით დაუპირისპირდნენ. შეტაკებისას რამდენიმე ადამიანი დაშავდა. ისინი საავადმყოფოში იქნენ გადაყვანილნი.
მოვაჭრეები კვლავ ბაზრის ტერიტორიაზე რჩებიან და არ აპირებენ მის დატოვებას.
პარლამენტარ კობა დავითაშვილის განცხადებით, ძალოვნების ქმედება უკანონო იყო, რადგან აღნიშნულ საკითხთან დაკავშირებით სასამართლოში მიმდინარეობს სარჩელის განხილვა, რომელიც დავითაშვილმა შეიტანა მოვაჭრეთა ინტერესების დასაცავად და გადაწყვეტილება ჯერ არ არის გამოტანილი.