მიმდინარეობს ახალი ციხეების მშენებლობა
თბილისი. მედია ნიუსი. წინასწარ პატიმრობაში მყოფი არასრულწლოვანები ორ თვეში ახალ, თანამედროვე სტანდარტების ციხეში განთავსდებიან, რომლის მშენებლობაც უკვე დაწყებულია.
რამდენიმე დღეში დაიწყება ციხის მშენებლობა წინასწარ პატიმრობაში მყოფი ქალებისათვისაც, რომელიც განთავსდება ქალთა კოლონიის ტერიტორიაზე.
იუსტიციის მინისტრის გიორგი პაპუაშვილის თქმით, დაახლოებით 7 თვეში შესაძლებელი გახდება რუსთავის მიმდებარე ტერიტორიაზე №6 საპყრობილის ამოქმედება, რომელიც ევროკავშირის დახმარებით ევროპული სტანდარტების ციხედ გადაკეთდება და 800 პატიმარზე იქნება გათვლილი.
კიდევ ერთი საპყრობილე ქუთაისში აშენდება და მასში 1500 პატიმრის მოთავსება იქნება შესაძლებელი. ქუთაისის ციხე სახელმწიფოს ხარჯებით აშენდება.