04:03, Sunday, 17.11.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

"მაუწყებლობის შესახებ“ კანონპროექტი განიხილეს

24.09.2004

"მაუწყებლობის შესახებ“ კანონპროექტი განიხილეს

თბილისი.23.09.მედია ნიუსი. პარლამენტის იურიდიულ საკითხთა კომიტეტის სხდომაზე „მაუწყებლობის შესახებ“ კანონპროექტი განიხილეს.

კანონპროექტის ერთ-ერთი ავტორის, იურიდიული კომიტეტის თავმჯდომარის მოადგილის გიგა ბოკერიას განცხადებით, ხელისუფლებისადმი დაქვემდებარებული ტელევიზია აღარ იარსებებს - სახელმწიფო ტელევიზია გარდაიქმნება საზოგადოებრივ ტელევიზიად, შეიქმნება მეურვეთა საბჭო, რომელიც ხელისუფლებისაგან დამოუკიდებელი იქნება.

ბოკერიას თქმით, ანძის საზოგადოებრივი მაუწყებლობისათვის შესაძლო გადაცემამ დიდი ვნებათაღელვა გამოიწვია, მაგრამ „ანძის გადაცემის შემთხვევაში არ შეიზღუდება კერძო ტელევიზიების მაუწყებლობა“.

ბოკერიას ინფორმაციით, ქცევის კოდექსი იმ მაუწყებლებმა უნდა შეიმუშავონ, რომლებიც თანამშრომლობენ მარეგულირებელ კომისიასთან.

იურიდიულ საკითხთა კომიტეტის წევრი კობა დავითაშვილი მიიჩნევს, რომ საზოგადოებრივ ტელევიზიას, რომელიც ბიუჯეტიდან ფინანსდება, კომერციული რეკლამის განთავსების უფლება არ უნდა ჰქონდეს, რადგან ეს არათანაბარ პირობებში აყენებს მას კერძო მაუწყებლობასთან. დავითაშვილი შიშობს, რომ სარეკლამო დროის შეზღუდვა გამოიწვევს კერძო მაუწყებლობათა საინფორმაციო საშუალებების შემცირებას. ბოკერიას თქმით კი კანონპროექტის ავტორებმა გაიზიარეს კერძო მაუწყებელთა შენიშვნები და სარეკლამო შეზღუდვები მათზე არ ვრცელდება. ის შეეხება ამ ეტაპზე საზოგადოებრივ ტელევიზიას და მხოლოდ ხუთი წლის შემდეგ კერძო მაუწყებლობებს.

საარჩევნო რეკლამა, ბოკერიას თქმით, ბევრ ქვეყანაში უფასოა იმ პოლიტიკური ორგანიზაციებისათვის, რომლებმაც უკანასკნელ არჩევნებზე მეტი შედეგი აჩვენეს. ახლად შექმნილ პარტიულ სუბიექტებს კი შეღავათები არ ეხებათ.

მეურვეთა საბჭო განსაზღვრავს, რა რაოდენობით თანხები იქნება საჭირო საზოგადოებრივი მაუწყებლობის ფუნქციონირებისათვის. იმ შემთხვევაში, თუ საზოგადოებრივი ტელევიზია არ დააკმაყოფილებს საზოგადოების მოთხოვნებს, ის შეიძლება მეურვეთა საბჭომ გააუქმოს, თუმცა ასეთი პრეცენდენტი, ბოკერიას თქმით, ევროპაში არ არსებობს.

ეკომონიკური განვითარების მინისტრის მოადგილე ქეთევან ქოქრაშვილის განცხადებით, ეკონომიკური განვითარების სამინისტროს თავად კანონპოექტის იდეა მოსწონს, მაგრამ გარკვეულ პრინციპებს არ ეთანხმება. მაგალითად, ლიცენზირებასთან დაკავშირებით ქოქრაშვილი აცხადებს, რომ ვიდრე სამთავრობო კომისია არ შეისწავლის მარეგულირებელი კომისიის საქმიანობას, მეურვეთა საბჭოს შექმნის საკითხი ღიად უნდა დარჩეს.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC