განათლების მინისტრს გეგმები უნივერსიტეტშიც დაუწუნეს

განათლების მინისტრს გეგმები უნივერსიტეტშიც დაუწუნეს

თბილისი23.09.04.მედია- ნიუსი. თბილისის  სახელმწიფო უნივერსიტეტში პროფესორ-მასწავლებლებმა განათლების სამინისტროს მიერ შემუშავებული უმაღლესი საგანმანათლებლო დაწესებულებების შესახებ კანონპროექტი განიხილეს.

უმრავლესობამ ალექსანდრე ლომაიას პროექტი დაიწუნა. განსაკუთრებულ უკმაყოფილებას იწვევს ლექტორთა ასაკობრივი ცენზის შემოღება.

პროფესორ-მასწავლებლებს მიაჩნიათ, რომ ასაკობრივი ცენზის შემოღება ყველა თანამშრომლისთვის გამართლებული არ არის მაშინ, როცა ეს ხალხი სოციალურად დაუცველია.

მათივე აზრით, ეს კანონი დღესვე რომ ამოქმედდეს, 900-მა პროფესორმა და დოცენტმა უნდა დატოვოს უნივერსიტეტი.

თავად განათლების მინისტრი ლომაია უნივერსიტეტში ამ შეხვედრას არ დასწრებია.