„პატიმართა სიკვდილიანობის ფაქტებს იუსტიციის სამინისტრო არ ახმაურებს“
თბილისი.18.10.04. მედია ნიუსი. ციხის რესპუბლიკურ საავადმყოფოში 17 ოქტომბერს გარდაიცვალა პატიმარი ვლადიმერ გუჯეჯიანი, რომელიც ნარკოტიკული ნივთიერების უკანონოდ შენახვისათვის იყო გასამართლებული.
არასამთავრობო ორგანიზაცია „ყოფილი პოლიტპატიმრები - ადამიანის უფლებებისათვის“ ხელმძღვანელის ნანა კაკაბაძის ინფორმაციით, გუჯეჯიანი განგრენით იყო დაავადებული და ავადმყოფობა თითქმის მთელს სხეულზე ჰქონდა მოდებული.
მისივე თქმით, იუსტიციის სამინისტროსა და სასჯელაღსრულების დეპარტამენტის წინაშე არაერთხელ დადგა შუამდგომლობა მისი გათავისუფლების შესახებ, თუმცა ეს შუამდგომლობები არ დაკმაყოფილდა.
როგორც კაკაბაძე აცხადებს, ბოლო პერიოდში სასჯელაღსრულებით დაწესებულებებში პატიმართა სიკვდილიანობის 10-მდე ფაქტი დაფიქსირდა, თუმცა მათ იუსტიციის სამინისტრო შეგნებულად არ ახმაურებს.
„რამდენიმე დღის წინათ ქსნის კოლონიაში პატიმარმა თავი ჩამოიხრჩო, თუმცა საზოგადოება ამის შესახებ ინფორმირებული არ ყოფილა. ციხის ადმინისტრაცია და სხვა ზემდგომი ორგანოები კი ამ ფაქტებს არა თუ არ ახმაურებენ, მათზე რეაგირებაც კი არ ხდება“, - აღნიშნა კაკაბაძემ.
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
