სტუდენტებს პრეზიდენტის სტიპენდიას არ აძლევენ
თბილისი.20.10.04.მედია-ნიუსი. ბათუმის სახელმწიფო უნივერსიტეტში პრეზიდენტის სახელობის სტიპენდიანტებმა აქცია მოაწყვეს. 205 სტიპენდიანტი პრეზიდენტის დაპირებულ 50 ლარის გაცემას მოითხოვს.
სტუდენტებმა პრეზიდენტის სახელობის სტიპენდია მხოლოდ ივნისში მიიღეს, ამჯერად ისინი ოთხი თვის გაუცემელ სტიპენდიას ითხოვენ. ამ მოთხოვნით მათ აჭარის ხელისუფლებას და უნივერსიტეტის რექტორატს მიმართეს, თუმცა რექტორატში აცხადებენ, რომ სტიპენდიის გაცემა უნივერსიტეტის პრეროგატივა არ არის და არც ბიუჯეტშია გათვალისწინებული.
თუ სტუდენტები დაპირებულ თანხას ვერ მიიღებენ, ფართომასშტაბიანი აქციებით იმუქრებიან.