ევროსაბჭო სულხან მოლაშვილის საქმისადმი ღრმა დაინტერესებას იჩენს
თბილისი.26.10.04. მედია-ნიუსი. ევროპის საბჭო კონტროლის პალატის ყოფილი თავმჯდომარის სულხან მოლაშვილის საქმის მიმდინარეობას ყურადღებას მომავალშიც მიაქცევს.
როგორც საქართველოში მყოფმა ევროპის საბჭოს ქვეყნების ვალდებულებათა შესრულების მონიტორინგის კომიტეტის თავმჯდომარემ ჯოზეტ დურიემ 26 ოქტომბერს გამართულ პრესკონფერენციაზე განაცხადა, სულხან მოლაშვილს ჯანმრთელობა შერყეული აქვს. ამასთან, მათ აქვთ ინფორმაცია სულხან მოლაშვილის წამების შესახებ და მისი საქმისადმი ინტერესს ეს ფაქტიც აღრმავებს.
კომიტეტის თავმჯდომარემ საქართველოს გენერალურ პროკურორს სულხან მოლაშვილის საქმესთან დაკავშირებით კონკრეტული კითხვებითაც მიმართა, თუმცა ჯოზეტ დურიეს პრესკონფერენციაზე გენერალური პროკურორის პასუხებზე არაფერი უთქვამს. მისი თქმით, ისინი მოინახულებენ აგრეთვე ამჟამად დაპატიმრებულ ყოფილ შინაგან საქმეთა მინისტრს კობა ნარჩემაშვილსაც.
პრესკონფერენციაზე ჯოზეტ დურიემ აღნიშნა ისიც, რომ საქართველოს ციხეებში რთული ვითარებაა, ვინაიდან ზოგიერთი ციხე XIX საუკუნეშია აშენებული, ნაწილი კი საბჭოთა წყობის დროს.
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
