პრეზიდენტმა თავისივე ხელმოწერილი ბრძანებულება ძალადაკარგულად გამოაცხადა

პრეზიდენტმა თავისივე ხელმოწერილი ბრძანებულება ძალადაკარგულად გამოაცხადა

თბილისი.31.10.04.მედია-ნიუსი. საქართველოს პრეზიდენტმა მიხეილ სააკაშვილმა თავისივე ხელმოწერილი ბრძანებულება ძალადაკარგულად გამოაცხადა.

24 აგვისტოს ბრძანებულებით, სასამართლო სისტემაში რეფორმის ახალი ეტაპი 20 სექტემბერს უნდა დაწყებულიყო. საქართველოს პრეზიდენტის ბრძანებულების შესაბამისად, საქართველოში არსებული 70 სასამართლო 24 რაიონულ სასამართლომდე უნდა შემცირებულიყო, შესაბამისად, შემცირდებოდა მოსამართლეთა რიცხვი, რომელიც დღეისთვის 300-ს აღემატება.

24 აგვისტოს ბრძანებულებით, ორი-სამი რაიონული სასამართლოდან შეიქმნებოდა ერთი, როგორც ეს რაიონული პროკურატურების გაერთიანებისას მოხდა.

იუსტიციის საბჭოში შემუშავებული იყო სასამართლო ხელისუფლებისა და საპროცესო კანონმდებლობის რეფორმის კონცეფცია, თუმცა ამ კონცეფციის განხორციელება საჭირო აღარ გახდა.

საქართველოს პრეზიდენტმა იურიდიული საზოგადოების თხოვნით ძალადაკარგულად გამოაცხადა 24 აგვისტოს ბრძანებულება რაიონული სასამართლოების გაერთიანების შესახებ.