საზოგადოებრივი წესრიგის დარღვევისათვის პროკურატურამ 2-2 წლით თავისუფლების აღკვეთა მოითხოვა
თბილისი.29.10.04.მედია-ნიუსი. 29 ოქტომბერს თბილისის მთაწმინდა-კრწანისის რაიონულ სასამართლოში თამაზ წიკლაურის, შოთა შონიასა და ლაშა ქაცანაშვილის წინააღმდეგ აღძრული სისხლის სამართლის საქმის განხილვაზე ბრალდების მხარემ დამნაშავეებისთვის 2-2 წლით თავისუფლების აღკვეთა მოითხოვა. დაცვის მხარე თავის მხრივ აცხადებს, რომ ბრალდებულები დამნაშავეები არ არიან და ხელისუფლებამ ისინი პოლიტიკური მოტივით დააკავა.
მთაწმინდა-კრწანისის სასამართლომ განაჩენის გამოტანა 2 დღით გადადო.
ცნობისთვის: თამაზ წიკლაური, შოთა შონია და ლაშა ქაცანაშვილი საზოგადოებრივი წესრიგის დარღვევისათვის და ეკონომიკის მინისტრის შეურაცხყოფისთვის, ეკონომიკის სამინისტროსთან გამართულ აქციაზე დააკავეს.